Ladki Bahin Yojana: उरले शेवटचे ५ दिवस! लाडक्या बहि‍णींना ऑगस्टचे ₹१५०० कधी मिळणार? वाचा सविस्तर

लाडकी बहीण योजनेच्या लाभार्थी ऑगस्ट महिन्याच्या हप्त्याची वाट पाहत आहे. ऑगस्ट महिना संपायला अवघे काही दिवस उरले आहेत. अद्याप योजनेच्या हप्त्याबाबत कोणतीही अपडेट समोर आलेली नाही. त्यामुळे लाडकी बहीण योजनेच्या लाभार्थ्यांच्या मनात अनेक प्रश्न निर्माण झाले आहेत.

लाडकीचा हप्ता कधी येणार? (Ladki Bahin Yojana August Month Installment Date)

लाडकी बहीण योजनेचा हप्ता कधी येणार याबाबत कोणतीही माहिती समोर आलेली नाही. मात्र, कदाचित गणेशोत्सवाच्या कालावधीत लाडकीच्या खात्यात पैसे जमा होऊ शकतात. हा हप्ता कदाचित लांबणीवरदेखील जाऊ शकतो. गेल्या अनेक महिन्यापासून लाडकी बहीण योजनेचा हप्ता लांबणीवर जात आहे. त्यामुळे या महिन्यात गणेशोत्सवात किंवा पुढच्या महिन्यात पैसे येणार आहेत.

ऑगस्ट आणि सप्टेंबरचा हप्ता एकत्र येणार? (Ladki Bahin Yojana August-September Installment May Come Together)

लाडकी बहीण योजनेचा ऑगस्ट आणि सप्टेंबरचा हप्ता एकत्र येण्याची शक्यता आहे. जर हप्ता लांबणीवर गेला तर पुढच्या महिन्यात पैसे जमा होणार आहेत. जर हप्ता पुढच्या महिन्यात दिला जाणार असेल तर ऑगस्ट आणि सप्टेंबरचे पैसे एकत्र येणार का असा प्रश्नदेखील विचारला जात आहे. जर ऑगस्ट आणि सप्टेंबरचे पैसे एकत्र दिले तर महिलांना ३००० रुपये मिळणार आहे.

अपात्र लाडक्या बहि‍णींवर कारवाई होणार (Action To Be Taken Ineligible Women)

लाडकी बहीण योजनेतून २६ लाखांपेक्षा जास्त महिला अपात्र ठरल्या आहेत. आता या महिलांची पुन्हा पडताळणी केली जाणार आहे. त्यातून ज्या महिला अपात्र ठरणार आहेत त्यांचे अर्ज बाद केले जाणार आहेत. त्यांच्या कारवाईदेखील केली जाणार असल्याचे सांगितले आहे. या महिलांची जिल्ह्यानुसार पडताळणी होणार आहे.अंगणवाडी सेविका घरोघरी जाऊन महिलांच्या अर्जांची पडताळणी करणार आहेत.