Ladki Bahin Yojana: उरले शेवटचे ८ दिवस! लाडक्या बहि‍णींना ऑगस्टचा हप्ता कधी येणार?

लाडकी बहीण योजनेचा जुलैचा हप्ता हा लांबणीवर गेला होता. जुलैचा हप्ता ऑगस्ट महिन्यात देण्यात आला होता. त्यानंतर आता ऑगस्टचा हप्ता कधी मिळणार याकडे सर्व महिलांचे लक्ष लागले आहे. महिलांना ऑगस्टचे १५०० कधी मिळणार असा प्रश्न पडलेला आहेत. त्यात आता महिना संपायला अवघे ८ दिवस उरले आहेत. त्यामुळे महिलांच्या मनात अनेक प्रश्न निर्माण झाले आहेत.

ऑगस्टचा हप्ता कधी? (Ladki Bahin Yojana August Month Installment)

लाडकी बहीण योजनेत ऑगस्टचा हप्ता महिन्याच्या शेवटच्या दोन आठवड्यात येईल, अशी अपेक्षा होती. मात्र, आता ऑगस्ट महिना संपायला अवघे ८ दिवस उरले आहेत. त्यामुळे या ८ दिवसात पैसे येणे गरजेचे आहे. जर हे पैसे येत्या ८ दिवसांत महिलांच्या खात्यात जमा झाले नाही तर हप्ता लांबणीवर जाऊ शकतो. मात्र, याबाबत कोणतीही अधिकृत माहिती समोर आलेली नाही.

लाडकी बहीण योजनेचा हप्ता वितरित करण्यापूर्वी महिला व बालविकास मंत्री आदिती तटकरे स्वतः ट्विट करत माहिती देतात. त्यांनंतर हप्ता दिला जातो. यंदा रक्षाबंधनच्या दिवशी लाडक्या बहि‍णींना खुशखबर मिळाली होती. त्यामुळे आता ऑगस्टच्या हप्ता कधी येणार याकडे सर्वांचेच लक्ष लागले आहे.

या महिलांना मिळणार नाहीत १५०० रुपये (These Women Will Not Get 1500 Rupees)

लाडकी बहीण योजनेत अनेक महिलांचे अर्ज बाद केले आहेत. जवळपास लाखो महिलांनी निकषांमध्ये न बसतानाही योजनेचा लाभ घेतला आहे. या महिलांची आता पडताळणी केली जाणार आहे. अंगणवाडी सेविका घरोघरी जाऊन महिलांची चौकशी करणार आहेत. त्यातून ज्या महिला अपात्र ठरतील त्यांना आता १५०० रुपये मिळणार आहे.