Ladki Bahin Yojana: कार असणाऱ्या लाडक्या बहिणी अपात्र, दुचाकी असलेल्यांचं काय?

महाराष्ट्र सरकारने महिलांसाठी मुख्यमंत्री माझी लाडकी बहीण योजना राबवली आहे. या योजनेत महिलांना दर महिन्याला १५०० रुपये दिले जातात. या योजनेत आता अर्जांची पडताळणी सुरु झाली आहे. लाडकी बहीण योजनेतून चारचाकी वाहन असलेल्या महिलांना बाद करण्यात येणार आहे. (Ladki Bahin Yojana)

लाडकी बहीण योजनेतील लाभार्थ्यांच्या कुटुंबाकडे जर चारचाकी वाहन असेल तर त्यांच्या घरी जाऊन अंगणवाडी सेविका चौकशी करणार आहे. मात्र,दुचाकी असल्यावरदेखील योजनेचा लाभ मिळणार की नाही असा प्रश्न आता विचारला जात आहे.

लाडकी बहीण योजनेच्या निकषांमध्ये जर चारचाकी वाहन असेल तर त्यांना लाभ मिळणार नाही. परंतु ज्या कुटुंबाकडे महागड्या दुचाकी आहेत त्यांना योजनेचा लाभ मिळणार की नाही याबाबत संभ्रम अनेकांच्या मनात निर्माण झाला आहे. मात्र,जर महिला किंवा तिच्या कुटुंबात महागडी दुचाकी असेल त्यांना योजनेचा लाभ मिळणार की नाही याबाबत कोणताही निर्णय जाहीर झालेला नाही.

मात्र, निकषांमध्ये दुचाकीबाबत कोणत्याही प्रकारची माहिती देण्यात आलेली नाही.त्यामुळे आता दुचाकी असणाऱ्या लाडक्या बहि‍णींना लाभ मिळणार का?याबाबत सरकार काय निर्णय घेणार? याकडे सर्वांचेच लक्ष आहे. (Ladki Bahin Yojana Update)

लाडकी बहीण योजनेत पुण्यातील तब्बल ७५००० महिलांचे अर्ज बाद केले जाणार आहे. या महिलांच्या कुटुंबातील सदस्यांकडे चारचाकी वाहन असल्याचे निष्पण झाले आहे. त्यामुळे या महिलांवर अपात्रतेची टांगती तलवार आहे.अंगणवाडी सेविका आता घरोघरी जाऊन चौकशी करणार आहे.