Pune Accident : भोरमध्ये भीषण अपघात, २ दुचाकी समोरासमोर धडकल्या, २ जणांचा जागीच मृत्यू

Pune Bhor Accident : भोर-मांढरदेवी मार्गावर दुचाकींच्या अपघातात दोन जणांचा मृत्यू झालाय. हेल्मेट नसल्यामुळे डोक्याला मार लागला अन् दोन जणांनी प्राण सोडले.
Tragic Accident on Mandhardevi Road: Two Dead After Biker Collision, Helmets Could Have Saved Lives
Pune Bhor Accident
Published On

पुण्यातील मांढरदेवी मार्गावरील निळकंठ गावाच्या हद्दीत झालेल्या दुचाकी अपघातात दोन जणांचा मृत्यू झाला आहे. दोन दुचाकीची समोरासमोर धडक झाली, अपघात इतका भीषण होता, की एकाचा जागीच मृत्यू झाला, तर दुसऱ्याने उपचारादरम्यान प्राण सोडले. अपघाताबाबत वैभव गायकवाड यांनी तक्रार दाखल केली असून, अज्ञात दुचाकीस्वारावर गुन्हा नोंदविण्यात आला आहे.

मांढरदेवी मार्गावरील निळकंठ गावच्या हद्दीत दोन दुचाकींची समोरासमोर धडक होऊन दोन जणांचा मृत्यू झाला. मृत्यू झालेल्यामध्ये एका ज्येष्ठ नागरिकाचा समावेश आहे. चंद्रकांत लक्ष्मण जावळे (वय ६०,रा.नीरा ता. पुरंदर) व उत्तम गायकवाड (वय ४५, रा. नीलकंठ) यांचा अपघातात मृत्यू झाला आहे.

Tragic Accident on Mandhardevi Road: Two Dead After Biker Collision, Helmets Could Have Saved Lives
Maharashtra Weather Update : रात्री गारठा, दिवसा उकाडा! पुढील ५ दिवसा तापमानाचा अंदाज काय?

याबाबत भोर पोलिसांकडून दिलेल्या माहितीनुसार, मयत चंद्रकांत जावळे आणि उत्तम गायकवाड हे दुचाकी (क्रमांक एम एच १२ टी जी ०९४६) वरून निळकंठ गावाकडे निघाले होते. त्यावेळी समोरून येत असलेली दुचाकी (क्रमांक एम एच १२ डब्ल्यू सी २७२०) यांची समोरासमोर धडक झाली. यामध्ये दोघेही रस्त्यावर पडले. दोघांच्याही डोक्यांना जबर मार लागला होता. दुचाकींच्या धडकेनंतर चंद्रकांत जावळे यांचा जागीच मृत्यू झाला तर उत्तम गायकवाड यांचा रुग्णालयात उपचार सुरू असताना मृत्यू झाला.

Tragic Accident on Mandhardevi Road: Two Dead After Biker Collision, Helmets Could Have Saved Lives
प्रेमात गुलिगत धोका, कंपनीच्या मालकिनीला प्रेमाच्या जाळ्यात ओढलं, लग्नही केलं, ५ कोटी घेतलं अन् धूम ठोकली

अपघाताची माहिती मिळताच भोर पोलीस ठाण्याचे कर्मचारी काही मिनिटांमध्येच घटनास्थळी दाखल झाले. त्यांनी जखमींना भोरच्या उपजिल्हा रुग्णालयात उपचारासाठी दाखल केले. दुसरा दुचाकीस्वार ही जखमी झाल्याने तोही उपचारासाठी निघून गेला. याबाबत वैभव आनंदा गायकवाड यांनी पोलिसात फिर्याद दाखल केली. त्यानुसार पोलिसांनी अज्ञात दुचाकी स्वारावर गुन्हा दाखल केला आहे. पोलिस या प्रकरणाचा तपास करत आहेत.

Tragic Accident on Mandhardevi Road: Two Dead After Biker Collision, Helmets Could Have Saved Lives
Mumbai-Pune Expressway : मुंबई-पुणे एक्स्प्रेस वेवर शिवशाही बसने अचानक पेट घेतला, चालकामुळे १२ जणांचा जीव वाचला, महामार्गावर वाहतूक कोंडी

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com