Ladki Bahin Yojana : ₹1500 की ₹3000? रक्षबांधनाआधी लाडकीच्या खात्यावर हफ्ता जमा, बँक बॅलन्स आताच चेक करा

राज्यातील लाखो महिलांसाठी महत्त्वाची आणि आनंदाची बातमी समोर आली आहे. मुख्यमंत्री माझी लाडकी बहीण योजनेअंतर्गत जुलै महिन्याचा १५०० रुपयांचा हप्ता पात्र महिलांच्या बँक खात्यात जमा होण्यास सुरुवात झाली आहे. रक्षाबंधनाच्या पार्श्वभूमीवर सरकारकडून मिळालेल्या या आर्थिक मदतीमुळे लाभार्थी महिलांना मोठा दिलासा मिळाला आहे.

मंगळवारपासून अनेक पात्र महिलांच्या बँक खात्यांमध्ये या योजनेचा निधी थेट DBT (Direct Benefit Transfer) पद्धतीने जमा केला जात आहे. काही महिलांना त्यांच्या मोबाईलवर पैसे जमा झाल्याचे बँकेचे मेसेजही आले आहेत. मात्र, सर्व लाभार्थ्यांच्या खात्यात एकाच वेळी रक्कम जमा होणार नसून तांत्रिक प्रक्रियेनुसार पुढील काही दिवसांत टप्प्याटप्प्याने पैसे येणार आहेत. या हप्त्याचा लाभ राज्यातील तब्बल १ कोटी ६६ लाख पात्र महिलांना मिळणार असल्याची माहिती आहे. त्यामुळे ज्या महिलांनी योजनेच्या नियमांनुसार पात्रता पूर्ण केली आहे, त्यांनी आपल्या बँक खात्याचा बॅलन्स तपासून पाहावा. मोबाईल बँकिंग, UPI अॅप, एटीएम किंवा बँकेच्या अधिकृत माध्यमातून खात्यात रक्कम जमा झाली आहे की नाही, हे सहज तपासता येईल.

दरम्यान, योजनेतील लाभार्थ्यांची संख्या निश्चित करण्यासाठी सरकारकडून अर्जांची छाननी आणि e-KYC प्रक्रिया करण्यात आली आहे. या पडताळणीमध्ये मोठ्या संख्येने महिला अपात्र ठरल्याची माहिती समोर आली आहे. त्यामुळे सध्या केवळ योजनेच्या अटी व नियमांमध्ये बसणाऱ्या पात्र महिलांनाच हप्त्याचा लाभ दिला जात आहे.

विशेष म्हणजे, काही महिलांच्या खात्यात पैसे जमा झालेले दिसत नसल्यास त्यांनी लगेच घाबरून जाण्याची गरज नाही. निधी हस्तांतरणाची प्रक्रिया टप्प्याटप्प्याने सुरू असल्याने पुढील काही दिवसांत रक्कम जमा होऊ शकते. मात्र, बँक खाते आधारशी लिंक आहे का आणि e-KYC पूर्ण आहे का, याची खात्री करून घेणे महत्त्वाचे ठरणार आहे. त्यामुळे ‘लाडकी बहीण’ योजनेच्या लाभार्थी महिलांनी आपला बँक बॅलन्स आताच तपासावा आणि १५०० रुपयांचा हप्ता खात्यात जमा झाला आहे का, याची खात्री करून घ्यावी.