Ladki Bahin Yojana: १४ लाख लाडकीला मिळतात फक्त ५०० रुपये; बहि‍णींचे ₹१००० का कापले?

लाडकी बहीण योजनेतून तब्बल ५० लाख महिलांना अपात्र ठरवण्यात आले आहे. या महिलांनी निकषाबाहेर जाऊन योजनेचा लाभ घेतला आहे. लाडकी बहीण योजनेत आता जवळपास १४ लाख महिलांना फक्त ५०० रुपये दिले जात आहे. यामागचं कारण आता समोर आले आहे.

या महिलांना दर महिन्याला मिळतात फक्त ५०० रुपये (These Women Only Get 500 Rupees Under Scheme)

लाडकी बहीण योजनेच्या लाभार्थ्यांची पडताळणी सुरु होती. यातून १४ लाख महिलांना फक्त ५०० रुपये मिळत असल्याचे समोर आले आहे.जर कोणत्याही महिला इतर योजनांचा लाभ घेत असाल तर त्यांना या लाडकी बहीण योजनेचा लाभ मिळणार नाही, असे निकष आहेत. मात्र, ज्या महिला नमो शेतकरी योजनेचा लाभ घेतात त्यांना दर महिन्याला फक्त ५०० रुपये दिले जात आहे. त्यांच्या लाभातील १००० रुपये कमी करण्यात आले आहेत.

इतर योजनांचा लाभ घेतेलेल्या महिला

नमो शेतकरी योजनेत शेतकरी महिलांना आधीच लाभ मिळत आहे. त्यामुळे त्यांना फक्त उर्वरित लाभ दिला जात आहे. त्यामुळे महिलांच्या खात्यात ५०० रुपये जमा केले जात आहे. जवळपास १४ लाख महिला या लाडकी बहीण योजना आणि नमो शेतकरी योजनेचा लाभ घेत आहेत.

लाडकी बहीण योजनेतून ५० लाख महिला अपात्र (Ladki Bahin Yojana 50 Lakh Women Ineligible)

लाडकी बहीण योजनेतून जवळपास ५० लाख महिलांचे अर्ज बाद करण्यात आले आहेत. या सर्व महिलांनी निकषांबाहेर जाऊन योजनेचा लाभ घेतला आहे. काही महिलांचे उत्पन्न २.५ लाखांपेक्षा जास्त आहे तर काही महिला इतर योजनांचा लाभ घेत आहे. सरकारी कर्मचारी असलेल्या महिला आणि ज्या महिलांच्या कुटुंबाकडे चारचाकी वाहने आहेत, अशा महिलांचे अर्ज बाद केले आहेत.