Kia Car Warranty: किआ इंडिया कारची भन्नाट वॉरंटी, आता तुमची कार राहणार जास्त काळ सुरक्षित

भारतीय वाहन बाजारात किआ इंडिया कारने आपल्या ग्राहकांसाठी अत्यंत महत्त्वाचा निर्णय घेतला आहे. कंपनीने आपल्या कारच्या वॉरंटी कालावधीत मोठी वाढ केली आहे. यापूर्वी ५ वर्षांची वॉरंटी असलेल्या किआ कारला आता ७ वर्षांची वॉरंटी मिळणार आहे. ही सुविधा कंपनीच्या सेल्टोस, सोनेट, सिरॉस आणि कॅरेन्स या लोकप्रिय मॉडेल्ससाठी लागू करण्यात आली आहे.

कंपनीकडून देण्यात आलेल्या माहितीनुसार, नवीन ग्राहकांनी किआ कार खरेदी केल्यास ४७,२४९ रुपयांपासून सुरू होणाऱ्या दरात ७ वर्षांची वॉरंटी मिळणार आहे. तर सध्याच्या ग्राहकांना त्यांच्या वाहनांच्या वॉरंटीमध्ये ३२,१७० रुपये देऊन अपग्रेड करता येणार आहे.

किआ इंडिया कारचे वरिष्ठ उपाध्यक्ष अतुल सूद यांनी सांगितले की ग्राहकांना परिपूर्ण मन:शांती आणि विश्वासार्ह सेवा देण्याचा आमचा उद्देश असून, टिकाऊपणेवर आत्‍मविश्वास निर्माण करणे हे आमचे ध्येय आहे. दीर्घकालीन सेवा आणि उत्तम वापराचा अनुभव मिळावा म्हणून कंपनीने ही नवी योजना आणली आहे. अधिकृत किआ डीलरशिपवर ही सेवा देशभरात उपलब्ध असून, ग्राहकांना देखभाल खर्चातही राहत मिळणार आहे. त्यामुळे पुढील ७ वर्षे, किआ वाहनधारकांना कोणत्याही प्रकारच्या तांत्रिक त्रासासाठी कंपनीच्या सर्व्हिस नेटवर्कवर विश्वास ठेवता येणार आहे.

या निर्णयामुळे किआ वाहनांच्या विक्रीत किमतीत वाढ होण्याची शक्यता आहे. तसेच ग्राहकांचा कंपनीवरील विश्वास अधिक मजबूत होईल. भारतातील वाहन बाजारात किआ इंडियाने आपली वेगळी ओळख निर्माण केली असून, अभिनव सेवा व विविध ऑफर्समुळे कंपनीचा ब्रँड दिवसेंदिवस अधिक बळकट होत आहे. सात वर्षांची वॉरंटी योजना ही केवळ सेवा नव्हे, तर किआ इंडियाच्या ग्राहकांशी असलेल्या ओळखीचा ठोस पुरावा म्हणून पाहिली जात आहे.