ITR Filling 2025 : फक्त ४८ तास उरले, अजूनही आयकर रिटर्न भरला नाही? आता काय होणार

आयटीआर फाइल करण्याची शेवटची तारीख जवळ आली आहे. आयटीआर भरण्यासाठी फक्त दोन दिवस उरले आहेत. तुम्ही १५ सप्टेंबर २०२५ पर्यंत आयटीआर फाइल करु शकतात. दरम्यान, तुम्ही आतापर्यंत आयटीआर फाइल केले नसेल तर लगेच करा. जर तुम्ही आयटीआर फाइल केला नाही तर काय होईल असा प्रश्न अनेकांना पडलेला आहे. दरम्यान, याबाबत सविस्तर माहिती जाणून घ्या.

आयकर विभागाच्या (Income Tax Department) नियमानुसार,जर तुम्ही मुदतीपूर्वी आयटीआर फाइल केला नाही तर तुम्हाला ५००० रुपयांपर्यंतचा दंड भरावा लागू शकतो. तुम्ही दंड भरल्यानंतर ३१ डिसेंबरपर्यंत आयटीआर फाइल करु शकतात. यालाच बिलेटेड आयटीआर म्हणलतात. दरम्यान, तुम्ही मुदतीपूर्वी आयटीआर भरला नाही किंवा बिलेटेड आयटीआरदेखील भरला नाही तर तुमच्यावर कारवाई होई शकते.

मुदतीपूर्वी आयटीआर न भरल्यास काय होणार? (If You Dont File ITR Before Deadline Then What Happened)

आयटीआर फाइल करण्याची शेवटची तारीख १५ सप्टेंबर २०२५ आहे. त्याआधी तुम्ही आयटीआर फाइल करावा.

लेट पेमेंट फी

जर तुम्ही वेळेवर आयटीआर भरला नाही तर कलम 234F अंतर्गत तुम्हाला ५००० रुपयांपर्यंत दंड भरावा लागले. जर तुमचे वार्षिक उत्पन्न ५ लाखांपेक्षा कमी असेल तर १००० रुपये आणि वार्षिक उत्पन्न ५ लाखांपेक्षा जास्त असेल तर ५००० रुपये दंड भरावा लागेल.

टॅक्स ड्यूवर व्याज

तुम्हाला आयकर कलम 234A अंतर्गत उशिरा आयटीआर फाइल केल्यास कर देयावर व्याज लागू केले जाईल.

रिफंड येण्यास उशिर

जर तुम्ही मुदतीपूर्वी आयटीआर फाइल केला नाही तर रिफंड येण्यास उशिर होऊ शकतो. याचसोबत उशिरा आयटीआर फाइल केल्यास आयकर विभाग पडताळणी करु शकते.