IRCTC चा मोठा निर्णय! फक्त या प्रवाशांनाच बुक करता येणार तिकीट; वाचा सविस्तर

भारतीय रेल्वेने ऑनलाइन तिकीट बुक करण्याच्या नियमात बदल केले आहेत.आता २८ ऑक्टोबर २०२५ पासून आता ट्रेनचं तिकीट बुक करण्यासाठी आधार ऑथेंटिकेशन करणे गरजेचे आहे. सकाळी ८ ते १० वाजेपर्यंत ट्रेनचं तिकीट बुक करायचे असेल तर आधार ऑथेंटिकेशन करावे लागणार आहे. अन्यथा तुम्हाला अनेक अडचणी येतील. ट्रेन तिकीट बुकिंगमध्ये अनेक फ्रॉड होतात, हे रोखण्यासाठी रेल्वेने हा महत्त्वाचा निर्णय घेतला आहे.

आधार व्हेरिफाइड युजर्स करु शकणार तिकीट बुकिंग

आयआरसीटीसीने (IRCTC)या नवीन नियमाबाबत माहिती दिली आहे. २८ ऑक्टोबरपासून सकाळी ८ ते १० वाजेपर्यंत फक्त आधार वेरिफाइड युजर्स तिकीट बुक करु शकतात.या काळात सर्वाधिक प्रवासी तिकीट बुक करतात. त्यामुळे अनेक फ्रॉडर्स लगेच अनेक तिकीटे बुक करतात. त्यामुळे इतर प्रवाशांना तिकीट बुक करता येत नाही.

सकाळी ८ ते १० तासात सर्वाधिक तिकीट बुक केली जाते. यामध्ये ऑटोमेटेड बुकिंग सॉफ्टवेअर किंवा एजंट्स खूप तिकीटे बुक करतात आणि जास्त दरात विकतात. यामुळे प्रवाशांना फटका बसतो. यामुळेच हा निर्णय घेण्यात आला आहे.

इतर वेळेस आधार ऑथेंटिकेशन गरजेचे नाही

सकाळी १० वाजल्यानंतर तिकीट बुक करताना आधार ऑथेंटिकेशनची गरज नाही. इतर वेळी सामान्य युजर्स आपल्या अकाउंटवरुन तिकीट बुक करु शकतात. दरम्यान, सकाळी जेव्हा तिकीट विक्री सुरु होते तेव्हा ८ ते १० या काळात आधार वेरिफाइड युजर्स तिकीट बुक करु शकतात.

आधार लिंक कसे करायचे?

सर्वात आधी www.irctc.co.in या वेबसाइटवर जा.

तिथे तुम्हाला माय अकाउंटमध्ये Authenticate User या ऑप्शनवर क्लिक करायचे आहे.

यानंतर तुम्ही आधार कार्ड नंबर टाका. स्क्रिनवर तुम्हाला नाव, जन्मतारीख आणि लिंग याबाबत माहिती भरायची आहे.

यानंतर ओटीपी आल्यानंतर व्हेरिफाय करा.

यानंतर तुम्हाला ऑथेंटिकेशन झाल्याचा मेसेज दिसेल.