Railway Rule: रेल्वे प्रवाशांसाठी महत्त्वाची बातमी! फक्त या प्रवाशांनाच मिळणार लोअर बर्थ तिकीट, वाचा सविस्तर

रेल्वेने प्रवास करणाऱ्यांसाठी महत्त्वाचा निर्णय घेतला आहे. आता रेल्वे तिकीट बुकिंग प्रक्रिया अजूनच पारदर्शक आणि सोपी बनवण्यासाठी काही महत्त्वाचे बदल करण्यात आले आहेत. रेल्वेने रेलवन नावाचे अॅप सुरु केले आहे. यावर तुम्हाला रेल्वे तिकीट बुकिंगपासून ते जेवण ऑर्डर करण्यापर्यंत सर्व कामे एकाच ठिकाणी करता येणार आहे. यामध्ये तुम्ही आरक्षित आणि अनारक्षित तिकीटदेखील बुक करु शकतात. r

रेलवन अॅपवर ट्रेनचे लाइव्ह लोकेशन, प्लॅटफॉर्मची माहिती अशा अनेक सुविधा उपलब्ध आबेत. याचसोबत प्रवाशांची नेहमी तक्रार असते की, लोअर बर्थ प्रेफरन्स निवडल्यानंतरही त्यांना साइड अप्पर, मिडल किंवा अपर बर्थ दिले जाते. आता यासाठीच रेल्वेने महत्त्वाचा निर्णय घेतला आहे.

रेल्वेने कॉम्प्टयुटरराइज आरक्षण प्रणालीमध्ये ज्येष्ठ नागरिक, ४५ वर्षांवरील महिला, गर्भवती महिलांना लोअर बर्थसाठी विशेष तरतूद केली आहे. ही सुविधा सीट उपलब्धतेवर अवलंबून असेल.

याशिवाय प्रवाशांना लोअर बर्थ उपलब्ध असेल तर लगेच बुक करा, असा पर्याय दिला जातो. यामुळे जर लोअर बर्थ उपलब्ध नसेल तर तिकीट बुक केले जाणार नाही. यामुळे प्रवाशांना आपल्यानुसार सीट निवडणे सोपे होणार आहे.

जर बुकिंगवेळी लोअर बर्थ नसेल परंतु प्रवासी पात्र असेल तर प्रवासादरम्यान या प्रवाशांना लोअर बर्थ रिकामा करुन देण्याचा अधिकार टीटीईला असतो. रेल्वेने आरक्षित डब्ब्यांमध्ये झोपण्याच्या आणि बसण्याच्या वेळेबाबतचे नियम स्पष्ट केले आहेत.

रात्री १० ते सकाळी ६ वाजेपर्यंत झोपण्याची वेळ आहे. या काळात प्रवास त्यांच्या बर्थनुसार झोपू शकतात. इतर दिवशी त्यांच्यासाठी बसण्याची व्यवस्था आहे. खालच्या बर्थवर आरएसी प्रवासी बसू शकतात.रात्री १० ते सकाळी ६ पर्यंतच लोअर बर्थचे प्रवासी झोपण्यासाठी त्याचा वापर करु शकतात.

रेल्वेने आता आरक्षित तिकिटांसाठी अॅडव्हान्स रिझर्व्हेशन कालावधी १२० दिवसांवरुन ६० दिवस केला आहे. आता प्रवास ६० दिवस आधी तिकीट बुक करु शकतात. हा नियम १ नोव्हेंबरपासून लागू झाला आहे.