Inspirational Story: लहानपणीच वडिलांचं छत्र हरपलं, २७ लाखांचं लोन डोक्यावर; जेवणासाठी उपासमारी; पण जिद्द सोडली नाही, क्रॅक केली NEET

आयुष्यात कितीही खडतर परिस्थिती असली तरी त्यावर नेहमी मात करायची असते. खडतर परिस्थितीवर मात करुन जो व्यक्ती सतत प्रयत्न करतो तो यशस्वी ठरतो. असंच काहीसं राजस्थानच्या कोटा येथील प्रेरणा सिंगसोबत झालं. प्रेरणा सिंग यांनी खूप बिकट परिस्थितीतून मार्ग काढत नीट परीक्षा क्रॅक केली आहे. (Prerna Singh Crack NEET Exam)

प्रेरणा सिंग यांच्या वडिलांचे खूप कमी वयात निधन झाले. त्यानंतर संपूर्ण कुटुंबाची जबाबदारी तिच्या आईवर आली.प्रेरणाच्या वडिलांच्या निधनानंतर त्यांच्या डोक्यावर २७ लाख लोन होते.२७ लाखांचे कर्ज फेडणे हे खूप मोठं काम होतं.परंतु त्यांनी यातून मार्ग काढला.

प्रेरणाच्या वडिलांच्या निधनानंतर त्यांना दोन वेळेचे जेवणदेखील मिळत नव्हते. त्यांनी चटणी आणि भाकर खाऊन जीवन काढले आहे. एवढ्या बिकट परिस्थितीतदेखील प्रेरणा यांनी अभ्यास केला. त्यांनी नीट (NEET) परिक्षेसाठी प्रचंड मेहनत घेतली. त्यांना ६८६ गुण मिळाले. (Success Story Of Prerna singh)

मीडिया रिपोर्टनुसार, प्रेरणा दहावीत असताना तिच्या वडिलांचे कर्करोगामुळे निधन झाले. त्यानंतर त्यांच्या घरात कोणीही कमावते नव्हते. त्यानंतर तिच्या आईने काम करण्यास सुरुवात केली. या कठीण काळात त्यांच्या नातेवाईकांनी मदत केली. प्रेरणाच्या आईने तिच्या क्लासेससाठी पैसे जमा केले. प्रेरणाने क्लासेसशिवाय १२-१२ तास अभ्यास केला.

प्रेरणाच्या आईने मुलांच्या शिक्षणासाठी दोन लाखांचे लोन घेतले. परंतु हे लोन गृहकर्जासाठी घेतले होते. परंतु ते शिक्षणासाठी वापरले त्यामुळे त्यांच्यावर बँकेने केसदेखील केली होती. प्रेरणाचे तिन्ही भावंडं खूप हुशार आहेत. त्यातील मोठी बहीण बी.एड करत आहे. तर भाऊ बी.एससी करत आहेत.