Success Story: आईवडील आर्मीत ऑफिसर, लेकीने २२ व्या वर्षी क्रॅक केली UPSC; IAS चंद्रज्योती यांचा प्रेरणादायी प्रवास

यूपीएससी ही देशातील सर्वात अवघड परीक्षा आहे. यूपीएससी परीक्षा देऊन आयएएस अधिकारी होण्याचे सर्वांचेच स्वप्न असते. परंतु अनेकदा यूपीएससी परीक्षेत अपयश येते. क्वचितच एखादा विद्यार्थी यूपीएससी परीक्षा पहिल्याच प्रयत्नात क्रॅक करतो. असंच काहीसं चंद्रज्योती सिंग यांच्यासोबत झालं. त्यांनी पहिल्याच प्रयत्नात यूपीएससी परीक्षा क्रॅक केली. (Success Stort Of IAS Chandrajyoti Singh)

दरवर्षी लाखो तरुण यूपीएससी परीक्षा देतात. पहिल्याच प्रयत्नात परीक्षा क्रॅक करणारे खूप कमी लोक असतात. त्यातीलच एक म्हणजे चंद्रज्योती सिंग.

चंद्रज्योती यांचे आईवडील सैन्यात कार्यरत होते. त्यांचे वडील कर्नल दलबरा रिटायर्ड आर्मी आफिसर आहे. तर आईदेखील आर्मीत कार्यरत होत्या. चंद्रज्योती यांच्या आईवडिलांनी नेहमीच त्यांच्या शिक्षणाला पहिले प्राधान्य दिले. त्यांनी नेहमी आपल्या लेकीची साथ दिली.

आई-वडील सैन्यात असल्याने त्यांचे शिक्षण वेगवेगळ्या शहरांमध्ये झाले. त्यांना १२वी ला ९५.४ टक्के गुण मिळाले होते. त्यांनी दिल्ली युनिव्हर्सिटी मधून हिस्ट्रीमध्ये पदवी प्राप्त केली होती. ग्रॅज्युएशननंतर चंद्रज्योती यांनी १ वर्षाचा ब्रेक घेतले. त्यांनी २०१८ मध्ये यूपीएससी परीक्षेची तयारी केली.

चंद्रज्योती यांनी आपल्या अभ्यासाचा प्लान तयार केला होता. त्यांनी पहिल्याच प्रयत्नात यूपीएससी परीक्षा क्रॅक केली. चंद्रज्योती या २२ व्या वर्षी आयएएस अधिकारी बनल्या होत्या. त्या रोज १-२ तास पुस्तक वाचायच्या. त्यातून त्या नोट्स बनवायच्या. यामुळे त्यांना खूप फायदा झाला. खूप कमी वयात यूपीएससी क्रॅक करणाऱ्यांमध्ये चंद्रज्योती यांचे नाव आहे. (Success Story)