PPF Scheme: दररोज ४१६ रुपयांची गुंतवणूक करा अन् करोडपती व्हा; काय आहे केंद्राची PPF योजना?

प्रत्येकजण आपले भविष्य आर्थिकदृष्ट्या सुरक्षित व्हावे, यासाठी वेगवेगळ्या योजनांमध्ये गुंतवणूक करतात. यामध्ये अनेक सरकारी योजना आणि पोस्ट ऑफिसच्या योजनांचा समावेश आहे. सरकारची पब्लिक प्रोविडंट फंड ही योजना खप फायदेशीर आहे. या योजनेत ग्राहकांना चांगले व्याजदर मिळते.या योजनेत तुम्ही रोज ४१६ रुपये जमा करुन काही वर्षात करोडपती होऊ शकतात.

PPF Scheme ही योजना फायदेशीर आहे. यात गुंतवणूकदारांना ७.१ टक्के व्याजदर मिळते. या योजनेत तुम्ही कमीत कमी ५०० रुपयांची गुंतवणूक करु शकतात. तर जास्तीत जास्त १.५ लाख रुपयांची गुंतवणूक करु शकतात. या योजनेचा मॅच्युरिटीचा कालावधी १५ वर्षांचा आहे. यामध्ये ५-५ वर्षांचा कालावधी वाढवला जाऊ शकतो. या योजनेत तुम्ही मॅच्युरिटीच्या कालावधीनंतर करोडपती होऊ शकतात.

या योजनेत गुंतवणूक करण्यासाठी तुम्ही रोज ४१६ रुपयांची बचत करा. त्यामुळे प्रत्येक महिन्याला १२,५०० रुपये जमा होतील. वर्षाला १.५ लाख रुपये जमा होतील.

जर तुम्ही या योजनेत २५ वर्षांसाठी गुंतवणूक केली तर तुम्ही १ कोटी रुपयापेक्षा जास्त रुपये मिळतील. या योजनेत ७.१ टक्के व्याजद लागू होते. त्यानुसार २५ वर्षानंतर तुम्हाला १,०३,०८,०१५ रुपये मिळतील. पीपीएफ योजनेत तुम्हाला गुंतवणूकीवर अनेक फायदे मिळतात.या योजनेवर 80C कलमाअंतर्गत कर लागू हत नाही.त्यामुळे मॅच्युरिटीनंतर मिळणारी रक्कम ही करमुक्त असेल.