Gold Rate Prediction: सोनं प्रति तोळा ₹३,००,००० वर जाणार, अर्थतज्ज्ञांच्या भाकि‍ताने खळबळ

सोन्याच्या वाढत्या किंमती या सर्वसामान्यांसाठी चिंतेचं कारण बनत आहे. सोन्यासह चांदीचेही भाव दिवसेंदिवस वाढत आहे. २०२५ मध्ये तर सोन्याचे दर सर्वाधिक वाढले आहेत. जवळपास वर्षभरात सोनं ६० हजार रुपयांनी महागलं आहे. तर चांदी जवळपास १,२१,७१९ रुपये प्रति किलोने महागली आहेत. त्यामुळे सर्वसामान्यांना सोनं खरेदी करावं की नाही असा प्रश्न पडला आहे.

सोन्याच्या किंमती अजून वाढणार (Gold Rate Hike Prediction)

सोन्याच्या किंमतीतील वाढ ही कमी होणार नाहीये. अनेकजण सोन्याचे दर कमी होण्याची वाट पाहत आहेत त्यांना धक्का मिळणार आहे. अमेरिकन मार्केट विश्लेषक एड यार्डेनी यांचे सोन्याबाबतचे भाकीत केले आहे. अमेरिकन अर्थशास्त्रज्ञ आणि यार्डेनी रिसर्चचे अध्यक्ष एड यार्डेनी यांनी भाकित केले आहे की, २०२९ पर्यंत आंतरराष्ट्रीय बाजारात सोन्याचा भाव प्रति औंस १०,००० डॉलरपर्यंत पोहचू शकतो. हा भाव सध्या ४००० डॉलर प्रति औंस आहे. त्यामुळे भविष्यात हे दर अजून वाढणार

भारतात सोन्याचे दर ३ लाखांवर जाणार (Gold Rate in India Hike Till 3 Lakh)

सोन्याबाबतचे हे भाकीत खरे ठरले तर भारतातदेखील सोन्याचे दर उच्चांक गाठतील. भारतात सोन्याचे दर १२७ टक्क्यांनी वाढू शकतात. २०२९ पर्यंत सोन्याचे दर ३ लाखांपर्यंत जाऊ शकतात. सध्याची जागतिक स्तरावरील परिस्थितीत व्यापार युद्धाची भीती, डॉलरची कमकुवतता आणि फेडरल बँकेकडून व्याजदरात कपात यामुळे सोन्याच्या किंमती वाढतच राहतील.