Gold Rate Fall: धनत्रयोदशीपासून सोन्याचे दर घसरले, तब्बल ७६०० रूपयांनी झालं स्वस्त; वाचा सविस्तर

देशात मागील एका आठवड्यापासून सोन्याचे दर घसरले आहेत. सोन्याचे दर कमी होत असल्याने सर्वसामान्यांना दिलासा मिळाला आहे. दिवाळीपासूनच सोन्याच्या किंमती कमी होत आहे. धनत्रयोदशी म्हणजे १८ ऑक्टोबरपासून सलग सोन्याचे दर घसरले आहेत. सोन्याचे दर आता १,२२,४६० रुपये झाले आहेत.

आंतरराष्ट्रीय बाजारातदेखील सोन्याचे दर घसरले आहे. अमेरिका-चीनमधील वाद, फेडरल बँकेच्या व्याजदराबाबत निर्णय, प्रॉफिट बुकिंग आणि डॉलरच्या वाढत्या किंमतीमुळे सोन्याच्या भावावर परिणाम होत आहे. देशभरात सोन्याचे दर घसरले आहेत.

तुमच्या शहरातील सोन्याचे दर (Gold Rate City Wise)

दिल्लीत सोन्याचे दर ११३१४० रुपये प्रति तोळा आहे. मुंबईत सोन्याचे दर ११२९९० रुपये आहेत.अहमदाबादमध्ये सोन्याचे दर ११३०४० रुपये आहेत. चेन्नईत ११२९९० रुपये तर कोलकत्यात ११२९९० रुपये आहेत. हैदराबादमध्ये सोन्याचे दर ११२९९० रुपये जयपुरमध्ये ११३१४० रुपये आहेत.सोन्याचे दर मागच्या आठवड्याभरात ७६०० रुपयांनी घसरले आहेत.

ऐन सणासुदीच्या दिवसात सोन्याचे दर घसरल्याने ग्राहकांना मात्र दिलासा मिळाला आहे. यंदा दिवाळीत ग्राहकांनी चांगलीच सोने खरेदी केली आहे. धनत्रयोदशी, दिवाळी पाडवा आणि लक्ष्मी पूजनचा मूहूर्त साधत सोनं खरेदी केलं. परंतु सोन्याचे दर जरी कमी झाले असले तरीही ते १ लाख २० हजारांपेक्षा जास्त आहेत. त्यामुळे अनेकांनी सोने खरेदीकडे पाठ फिरवली आहे. हे दर असेच कमी होत राहावे, अशी अपेक्षा सर्वसामान्यांची आहे.

चांदीचे दर (Silver Rate)

सोन्यासोबतच चांदीचेही दर घसरले आहेत. चांदीचे दर आज १५४९०० रुपये प्रति किलो आहेत. परदेशात चांदीचे दर २.०३ टक्क्यांनी घसरले आहेत. याचाच परिणाम भारतातदेखील पाहायला मिळाला. भारतातदेखील १ किलो चांदीचे दर २०-३० हजार रुपयांनी स्वस्त झाले आहेत.