Gold Price: सोनं आजही स्वस्त झालं, १० तोळं सोन्याच्या किंमतीत ५५०० रूपयांनी घसरण; वाचा आजचा दर

गेल्या काही दिवसांपासून सोन्याच्या दरात सातत्याने घट होत आहे. गेल्या १० दिवसांत सोन्याच्या दरात सुमारे ₹३,५०० रुपयांची घसरण झाली आहे. सोन्याचा भाव १,०१,००० रूपयांवरून ९८,००० रूपयांवर आला आहे. २८ जून रोजी सोन्याच्या दरात तब्बल ५५० रुपयांची घट झाली असून, सध्या सराफा बाजारात २४ कॅरेट सोन्याचा दर ९७,५०० आहे. तर २२ कॅरेट सोन्याचा दर ८१,३०० पेक्षा अधिक आहे. तर, देशात एक किलो चांदीचा दर १,०७,८०० रूपये प्रति किलो आहे. चांदीच्या दरात घट होत नसल्याचं चित्र आहे.

२८ जून रोजी सोन्याचा दर

शनिवारी २८ जून रोजी सोन्याच्या किमतीत घसरण झाली आहे. दिल्लीत २२ कॅरेट १० ग्रॅम सोन्याचा दर ८९,३०० रूपये आहे. तर, २४ कॅरेट सोन्याचा दर ९७,५७० रूपये आहे. मुंबईतही २२ कॅरेट १० ग्रॅम सोन्याचा दर ८९,३०० रूपये तर, २४ कॅरेट सोन्याचा दर ९७,४२० रूपये इतका आहे. पटना लखनऊ, जयपूरसारख्या मोठ्या शहरांमध्येही सोन्याचा भाव याच दराभोवती आहे.

चांदीची किंमत

गेल्या काही दिवसांपासून चांदीच्या दरातही सातत्याने वाढ होत असल्याचं चित्र आहे. मात्र, आज चांदीचा दर घसरला आहे. आज २८ जून रोजी चांदीचा भाव १,०७,८०० रूपये प्रति किलोवर आहे. कालच्या तुलनेत चांदीचा दर १०० रूपयांनी घसरला आहे.

देशात सोन्याचे दर ठरवले जातात?

भारतात सोन्याचा दर दररोज बदलते. सोन्याचा दर अनेक घटकांवर अवलंबून असते. जसे की, जागतिक बाजारपेठेत सोन्याची किंमत, डॉलर आणि रूपयाच्या मूल्यात बदल आणि सरकारने लादलेले कर. परंतु, भारतात सोने हे केवळ गुंतवणूक नाही तर ती परंपरा आणि श्रद्धेशी जोडलेला आहे.