Gold Investment : २०१९ मध्ये सोनं ₹३० हजार तोळा, आता एक लाखांच्या पार; ज्यानं गुंतवणूक केली तो लखपती झाला, वाचा

सोन्याच्या दरात गेल्या अनेक दिवसांपासून सतत वाढ होत आहे. सोन्याचे दर कमी होतच नाही. इथून पुढेही सोन्याचे दर कमी होणार नाही. जर सोन्याच्या दरात थोडाफार चढ-उतार झाला तर तो तात्पुरता असेल. त्यामुळे सोने घेणे हे सर्वांसाठी फायद्याचेच असणार आहे. सोने घेणे ही एक प्रकारची गुंतवणूक असणार आहे. सोन्याने गेल्या अनेक वर्षात खूप जास्त परतावा दिला आहे.

जागतिक, आर्थिक बाजारातील अनिश्चितता, चलनविषयक सुलभता आणि चलनवाढ आणि मध्यमवर्ती बँका आणि किरकोळ गुंतवणूकदारांकडून मागणी वाढल्यामुळे शेअर बाजारापेक्षा जास्त वाढ पाहायला मिळाली. सोन्यातील गुंतवणूक यापेक्षाही जास्त परतावा देतो.

सहा वर्षात सोन्याच्या दरात २०० टक्क्यांनी वाढ (Gold Price Hike By 200 Percent in 6 Years)

मे २०१९ ते २०२५ पर्यंत सोन्याच्या किंमती खूप वाढल्या आहेत.सोन्याच्या किंमती जवळपास ३०,००० रुपयांवरुन १ लाख रुपये झाल्या आहेत. या प्रति तोळा सोन्याच्य किंमती आहेत. यावरुन असं लक्षात येतं की, सोन्याच्या किंमतीत सहा वर्षात २०० टक्क्यांपेक्षा जास्त परतावा दिला आहे. तर निफ्टिने ५० ते १२० टक्के परतावा दिला आहे. २०१५ पासून सोन्याने सेन्सेक्स आणि निफ्टीपेक्षा परतावा दिला आहे.

सोन्याच्या किंमती कशामुळे वाढतात? (Why Did Gold Price Hike)

सोन्याच्या किंमती आर्थिक अनिश्चितता, चलनवाढ आणि राजकीय तणावामुळे वाढत आहेत. इराण-इस्त्रायल युद्धाचाही परिणाम सोन्याच्या दरावर झाला आहे.

गेल्या सहा वर्षात कोविड, रशिया-युक्रेन युद्ध, महागाई, मंदावलेली जागतिक आर्थिक वाढ आणि बँकेची खरेदी यासारख्या गोष्टींचा परिणाम सोन्याच्या किंमतीवर होत आहे.

सोन्यातील वाढ अशी सुरु राहिल का?

राजकीय परिस्थिती आणि धोरणांची अनिश्चितता, विशेष म्हणजे, अमेरिकेच्या राष्ट्राध्यक्षांच्या टॅरिफ धोरणामुळे सोन्याच्या किंमती वाढू शकतात. परंतु व्यापार धोरणामुळे किंमती अद्याप पूर्णपणे निश्चित केलेली नाही.तसेच अमेरिकन फेडरल रिझर्व्ह आणि जागतिक स्तरावरील बँकांनी व्याजदरात कपात केली आहे. त्यामुळे सोन्याचे भाव आणखी वाढण्याची शक्यता आहे. या वर्षाच्या पहिल्या सहा महिन्यात सोन्याने चांगला परतावा दिला आहे. त्यानंतर उरलेल्या सहा महिन्यातदेखील हा नफा असाच वाढत जाईल, असं तज्ज्ञांचे मत आहे.