![ही आहे सर्वात स्वस्त इलेक्ट्रिक कार, एका चार्जमध्ये देते 315 Km ची रेंज; जाणून घ्या किंमत](http://media.assettype.com/saamtv%2F2024-05%2Faf31b3f4-151c-4804-b576-7cd23d9c2b60%2FTata_Tigor_EV_.jpg?w=480&auto=format%2Ccompress&fit=max)
बाजारात सध्या इलेक्ट्रिक कारच्या मागणीत मोठी वाढ झाली आहे. अनेक लोक इलेक्ट्रिक कार खरेदी करण्यास पसंती दर्शवत आहेत. यातच तुम्हीही कमी बजेटमध्ये जास्त रेंज देणारी इलेक्ट्रिक कार खरेदी करण्याचा विचार करत असाल, तर आज आम्ही तुम्हाला अशाच एका इलेक्ट्रिक कारबद्दल सांगणार आहोत. ही इलेक्ट्रिक कार आहे टाटाची Tigor EV. ही एक पॉवरफुल इलेक्ट्रिक कार असून ही EV 315 किमीची रेंज देते, असा दावा कंपनीने केला आहे. याचबद्दल आपण अधिक माहिती जाणून घेणार आहोत...
Tigor EV 12.49 लाख एक्स-शोरूमच्या प्रारंभिक किमतीत उपलब्ध आहे. ही एक फाय सीटर कार आहे. ज्यामध्ये कंपनी 26 kWh ची हाय पॉवर बॅटरी देते. ही कार ऑटोमॅटिक ट्रान्समिशनमध्ये येते. ही एसी व्हेंट्स आणि मागील सीटवर पॉवर विंडोसह येते. कारच्या टॉप मॉडेलमध्ये अलॉय व्हील, टच स्क्रीन इन्फोटेनमेंट सिस्टीम आणि क्रूझ कंट्रोल सारखे फीचर्स ग्राहकांना मिळणार.
Tata Tigor EV चे टॉप मॉडेल 14.70 लाख रुपये ऑन रोड किंमतीत उपल्बध आहे. ग्लोबल NCAP क्रॅश टेस्टमध्ये या कारला 4 स्टार रेटिंग मिळाली आहे. ही कार 9.4 तासात पूर्ण चार्ज होते. या कारमध्ये फास्ट चार्जिंगचा पर्यायही उपलब्ध आहे. यामध्ये XE, XT, XZ+ आणि XZ+ लक्स असे चार प्रकार उपलब्ध आहेत.
Tata Tigor EV 74 bhp पॉवर आणि 170 Nm टॉर्क जनरेट करते. यात 14 इंची अलॉय व्हील्स आहेत. कारमध्ये एलईडी लाईट्स, अँटी-लॉक ब्रेकिंग सिस्टम आणि एअरबॅग्ज आहेत. कंपनी ही फॅमिली कार तीन आकर्षक रंगांमध्ये देत आहे.
यात ऑटो एसी, डिजिटल इन्स्ट्रुमेंट क्लस्टर, लेदरेट अपहोल्स्ट्री, ड्युअल कलर इंटीरियर, 7 इंची टचस्क्रीन इन्फोटेनमेंट सिस्टम, ऑटो हेडलैंप आणि एडजस्टेबल ड्राइवर सीट सारखे फीचर्स यात मिळतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.