जर तुम्ही देखील धनत्रयोदशीच्या दिवशी स्वस्त कमी बजेटची सीएनजी कार खरेदी करण्याचा विचार करत असाल, तर ही बातमी तुमच्यासाठी आहे. आज तुम्हाला अशा तीन स्वस्त सीएनजी कारची माहिती सांगणार आहोत, ज्या तुमच्या बजेटमध्ये आणि दैनंदिन वापराच्या अनुषंगानेही बेस्ट पर्याय ठरू शकतील. पेट्रोल आणि डिझेलच्या तुलनेत सीएनजी कारच्या किमती थोड्या जास्त असल्या तरी मायलेजच्या बाबतीत या गाड्या सगळ्यांना मागे टाकतात.
मारुती सुझुकी अल्टो K10 CNG कार सर्वात किफायतशीर कार आहे. याच्या कॉम्पॅक्ट आकारामुळे कार चालवायला मजा येते आणि ट्रॅफिकमध्येही गाडी सहज नेव्हिगेट करू शकते. या कारमध्ये 1.0L पेट्रोल इंजिन आहे. यात सीएनजीचा पर्यायही उपलब्ध आहे. ही कार सीएनजी मोडमध्ये 33.85 km/kg मायलेज देते, असं कंपनीचं म्हणणं आहे.
सेफ्टीसाठी कारमध्ये अँटी-लॉक ब्रेकिंग सिस्टमसह EBD आणि एअरबॅग्ज आहेत. याची एक्स-शो रूम किंमत 5.96 लाख रुपयांपासून सुरू होते. अल्टो ही लहान कुटुंबासाठी बेस्ट कार आहे. यातील बूट स्पेस चांगला आहे आणि 4 लोक आरामात बसू शकतात. मात्र कंपनीचा दावा आहे की त्यात 5 लोक बसू शकतात.
मारुती सुझुकी सेलेरियो सीएनजी देखील तुमच्यासाठी चांगला पर्याय ठरू शकतो. याची सर्वात चांगली गोष्ट म्हणजे या कारमध्ये जागेची कमतरता नाही. Celerio CNG ही प्रीमियम हॅचबॅक कार आहे. या कारमध्ये 1.0L पेट्रोल इंजिन आहे. ही कार CNG मोडवर 34.43 km/kg मायलेज देते, असा कंपनीचा दावा आहे. या कारमध्ये सुरक्षेसाठी अँटी-लॉक ब्रेकिंग सिस्टीमसह EBD आणि एअरबॅग्जची सुविधा आहे. Celerio CNG ची एक्स-शो रूम किंमत 6.73 लाख रुपयांपासून सुरू होते.
मारुती सुझुकी एस-प्रेसो ही जबरदस्त कार आहे, जिला मायक्रो एसयूव्ही म्हणून देखील ओळखतात. यात ALto K10 इतकी जागा देखील मिळते. S-Presso CNG ची किंमत 5.91 लाख रुपयांपासून सुरू होते. या कारमध्ये चांगली स्पेस मिळते. मात्र यात फक्त 4 लोक व्यवस्थित बसू शकतात. या कारमध्ये 1.0L पेट्रोल इंजिन आहे. ही कार CNG मध्ये देखील उपलब्ध आहे आणि 32.73km/kg च्या मायलेज देते, असं कंपनीचं म्हणणं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.