UPI Payment: ऑनलाइन पेमेंट करताना यापुढे पिन टाकायची गरज नाही; BHIM अ‍ॅपने लाँच केलं नवं फीचर

सध्या अनेकजण ऑनलाइन पेमेंटचा वापर करतात. काहीही खरेदी करायचे असेल तर ऑनलाइन पेमेंच करतात. आता BHIM अॅपमध्ये ऑनलाइन पेमेंटसाठी नवीन फीचर लाँच केले आहे. बायोमेट्रिक फीचरमुळे खूप फायदा होणार आहे. आता तुम्ही कोणताही यूपीआय पिन टाकून पेमेंट करु शकतात. तुम्हाला फेस किंवा फिंगरप्रिंट लॉकने पेमेंट करण्याची परवानगी दिली आहे.

आता तुमचे ऑनलाइन पेमेंट खूप सोपे होणार आहे. आता तुम्हाला फक्त फिंगरप्रिंटद्वारे पेमेंट करता येणार आहे. ५००० रुपयांपर्यंतचे पेमेंट करण्यासाठी हे नवीन नियम आहेत. यासाठी फक्त फिंगरप्रिंट किंवा फेस लॉकचा वापर करा.

अनेकदा लोक पिन विसरतात. यामुळे पेमेंट फेल होते. याचसोबत तुम्ही जास्त वेळा चुकीचा पिन टाकला तर अडचणी येऊ शकतात. त्यामुळेच ही सुविधा फायदेशीर आहे.

भीम अॅपचे हे फीचर अँड्रॉइड आणि iOS दोन्ही डिव्हाइसवर काम करणार आहे. यावर तुम्हाला फिंगरप्रिंट आणि फेस रिकग्निशन सुविधा मिळणार आहे. हे फीचर सुरक्षेच्या दृष्टीने खूप चांगले आहे. फिंगरप्रिंट आणि फेस प्रत्येकाचा वेगवेगळा असतो. त्यामुळे पेमेंट करणे खूप सुरक्षित असणार आहे. तुमच्यासोबत फ्रॉड होण्याची शक्यता खूप कमी असते.

कसं सुरु करायचं?

तुम्हाला सर्वात आधी भीम अॅप ओपन करायचे आहे. त्यानंतर प्रोफाइलमध्ये जायचे आहे. तिथे तुम्हाला बँक अकाउंट निवडून बायोमेट्रिक ट्रान्झॅक्शनचा ऑप्शन ऑन करायचा आहे. यानंतर तुम्ही फिंगरप्रिंटद्वारे पेमेंट करु शकणार आहात.