बँक कर्मचाऱ्यांची चांदी! पगारात होणार भरघोस वाढ; अर्थ मंत्रालयाने नेमका काय आदेश दिला?वाचा सविस्तर

बँक कर्मचार्‍यांच्या पगारवाढीबाबत महत्त्वाची माहिती हाती आली आहे. सरकारने सार्वजनिक क्षेत्रातील बँकांना १३ व्या द्विपक्षीय वेतन करारासाठी वाटाघाटीची प्रक्रिया सुरू करण्याचे आदेश दिले आहेत. तसेच तो करार १२ महिन्यात अंतिम करण्याचेही आदेश दिले आहेत. सार्वजनिक क्षेत्रातील बँकेचे कर्मचारी आणि अधिकारांच्या वेतनात सुधारणा ही १ नोव्हेंबर २०२७ पासून लागू होणार आहे.

सार्वजनिक क्षेत्रातील बँका आणि विमा कंपन्यांच्या वित्तीय संस्थांकडून गरजेनुसार दर पाच वर्षांनी कर्मचाऱ्यांच्या पगारात सुधारणा केल्या जातात. यासाठी इंडियन बँक्स असोसिएशन कर्मचारी संघटना आणि युनियन्ससोबत वाटाघाटी करून वेतन करार करते.

सार्वजनिक क्षेत्रातील बँकांच्या प्रमुखांना वेतन सुधारणेसाठी वाटाघाटी सुरू करण्यासाठी आवश्यक पावले उचलण्याचे निर्देश दिलेत. सार्वजनिक क्षेत्रातील बँकांना पगारात वाढ करण्यासाठी २० एप्रिल रोजी १२ महिन्यांत अंतिम प्रक्रिया पूर्ण करण्याचे निर्देश दिले होते. मागील कराराच्या वेळी अर्थ मंत्रालयाने इंडियन बँक असोसिएशनला वेतनासंदर्भातील वाटाघाटी निश्चित वेळेत पूर्ण करणे आणि सुधारित वेतनाची वेळेवर अंमलबजावणीसाठी सल्ला देण्यात आला होता.

मागील करारानुसार नियमांत आवश्यक सुधारणा लागू करण्यास विलंब झालाय. पुढील वेतन कराराच्या नियोजित तारखेआधी सुधारणा पूर्ण होतील, याची खात्री करण्यास सांगितले. बँकिंग क्षेत्रातील कर्मचाऱ्यांच्या वेतनात सुधारणा झाल्यास त्यांचे मनोधैर्य वाढते, कारण ते भारतीय अर्थव्यवस्थेचा कणा मानले जातात.

तत्पूर्वी, सार्वजनिक क्षेत्रात बँकांनी आर्थिक वर्ष २५ साली विक्रमी नफा कमावला. या चालू वर्षातही नफा कमवावा. सार्वजनिक क्षेत्रातील बँकांनी एकूण नफा आर्थिक वर्ष २३ साली १.०५ लाख कोटी इतका झाला होता. तर आर्थिक वर्ष २४ साली हाच नफा वाढून १.४१ लाख कोटी रुपये इतका झाला. तर आर्थिक वर्ष २५ मध्ये १.७८ लाख कोटी रुपये इतका झाला आहे.