Amazon India ने प्राईम डे सेलची घोषणा केली आहे. हा सेल 20 आणि 21 जुलै 2024 रोजी सुरु होणार आहे. सेल दरम्यान प्राइम मेंबर्सला विशेष ऑफरचाही फायदा होईल. यासोबतच Amazon ने या सेलमध्ये Agro, Crompton, Sony, IQ, Bajaj, Fossil, Motorola आणि Boat सारख्या अनेक ब्रँड्सच्या उत्पादनांवर भरघोस सूट जाहीर केली आहे.
गेल्या वर्षीचा प्राइम डे सेल भारतातील कंपनीसाठी आतापर्यंतचा सर्वात मोठा सेल ठरला. ज्यामध्ये प्राइम मेंबर्सला 2022 च्या तुलनेत 14 टक्के अधिक उत्पादनांवर उपलब्ध डीलचा लाभ घेतला होता.
कंपनीने अद्याप Amazon प्राइम डे सेलमध्ये उपलब्ध असलेल्या डीलचा खुलासा केलेला नाही. मात्र कंपनीने म्हटले आहे की, विक्रीमध्ये उपलब्ध असलेल्या उत्पादनांवरील डील लवकरच उघड केली जातील. प्राइम सेलमध्ये उपलब्ध डीलचा लाभ घेण्यासाठी युजर्सकडे प्राइम सबस्क्रिप्शन असणे आवश्यक आहे.
Amazon Prime Days 2024 दरम्यान, ग्राहकांनी ICICI बँक कार्ड आणि क्रेडिट कार्ड EMI ट्रांजेक्शन, SBI क्रेडिट कार्ड आणि क्रेडिट कार्ड EMI ट्रांजेक्शन वापरून पेमेंट केल्यास 10 टक्के सूट मिळू शकते. Amazon Pay ICICI बँक क्रेडिट कार्ड युजर्स 2,500 रुपयांपर्यंतचे वेलकम रिवॉर्ड्स, 300 रुपयांपर्यंत कॅशबॅक (फक्त प्राइम मेंबर्ससाठी) आणि सेलदरम्यान 2,200 रुपयांपर्यंतचे रिवॉर्ड्स मिळवू शकतील.
Amazon च्या आगामी प्राइम डे सेलमध्ये अॅमेझॉनच्या विशेष उत्पादनांवर देखील डील असतील. ज्यामध्ये इको स्मार्ट स्पीकर आणि फायर टीव्ही स्टिकवर 55 टक्क्यांपर्यंत सूट दिली जाऊ शकते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.