Aadhaar New Rule: 'आधार कार्ड'वर सरकार आणखी मोठा निर्णय घेणार, फोटोकॉपी देण्यावर नियम येणार

सरकार आधार कार्डसंदर्भात नवीन नियम लागू करणार आहे. या नवीन नियमांनुसार, कोणत्याही हॉटेल किंवा कार्यक्रमात आधार कार्डची फोटोकॉपी द्यावी लागणार नाही. नागरिकांना हॉटेलमध्ये त्यांच्या आधार कार्डची कॉपी द्यावी लागणार नाही. सरकारच्या म्हणण्यानुसा, पेपर बेस्ड आधार व्हेरिफिकेशन हे कायद्याच्या विरोधात आहे. यामुळे प्रायव्हसीसंदर्भात अनेक अडचणी येऊ शकतात.

UIDAI ने यासाठी फ्रेमवर्क मंजूर केले होते. यानुसार जर एखाद्या संस्थेला ऑफलाइन पद्धतीने आधार व्हेरिफिकेशन करायचे असेल तर त्यासाठी यूआयडीएआयमध्ये रजिस्टर असणे गरजेचे आहे. तुम्ही क्यू आर कोड आणि अॅप बेस्ड व्हेरिफिकेशनचा वापर करु शकतात. हे नियम लवकरच लागू केले जाणार आहे.

नवीन नियमांनुसार, हॉटेल किंवा इव्हेंटसाठी सर्व संस्थांना UIDAI मध्ये रजिस्टर असणे गरजेचे आहे. यानंतर त्यांना API चा अॅक्सेस मिळणार आहे. यामुळे तुम्ही ऑनलाइन पद्धतीने आधार कार्ड सबमिट करु शकतात.

नवीन अॅपवरुन करा आधार कार्ड व्हेरिफिकेशन

UIDAI लवकरच नवीन आधार अॅप लाँच करणार आहे. यासाठी टेस्ट सुरु आहे. यामुळे अॅप टू अॅप व्हेरिफिकेशन सुविधा मिळणार आहे. यामुळे एअरपोर्ट, रिटेल स्टोअर, हॉटेल किंवा इव्हेंटमध्ये आधार व्हेरिफिकेशन सोप्या पद्धतीने करता येणार आहे. अनेकदा सर्व्हर डाउन असल्याने व्हेरिफिकेशन होत नाही. परंतु या अॅप आधारित व्हेरिफिकेशनमुळे अनेक कामे सोपे होणार आहेत.