Aadhaar Card: आधारकार्ड अपडेट करणं झालं आणखी सोपं; घरबसल्या कागदपत्राशिवाय करा झटपट काम

आधार कार्ड अपडेटच्या नियमांमध्ये बदल करण्यात आले आहेत. आता आधार कार्डवरील माहिती तुम्हाला अवघ्या काही मिनिटांत अपडेट करता येणार आहे. तुम्ही घरबसल्या मोबाईलवरुन ही माहिती अपडेट करु शकतात. तुम्हाला आता घरबसल्या मोबाईल नंबर अपडेट करता येणार आहे. तुम्हाला आता मोबाईल नंबर बदलण्यासाठी आधार सेवा केंद्रात जाण्याची गरज नाही.

UIDAIने दिलेल्या माहितीनुसार, तुम्हाला घरबसल्या आधार कार्ड अपडेट करता येणार आहे त्याचसोबत मोबाईल नंबर अपडेट करण्यासाठी कोणत्याही कागदपत्राची गरज भासणार नाहीये.

UIDAI ने नुकतेच सांगितले होते की, लवकरत घरबसल्या तुम्ही आधार कार्डवरील पत्ता बदलण्याची सुविधा सुरु करणार आहे. त्यामुळे मोबाईल नंबर अपडेट झाल्यावर पत्तादेखील बदलता येणार आहे.

UIDAI नुसार, सिस्टीम युजर्सच्या सध्याच्या किंवा नवीन मोबाईल नंबरवर ओटीपी पाठवणार आहे. यानंतर अॅपमधील बिल्ट इन व्हेरिफिकेशनमुळे फेस ऑथेंटिकेशन होणार आहे. यानंतर तुमचा मोबाईल नंबर अपडेट होणार आहे. ही प्रक्रिया पूर्णपणे सुरक्षित असणार आहे. यामुळे तुम्हाला ऑफलाइन पद्धतीने कागदपत्रे द्यावी लागणार नाही.

नवीन आधार अॅप

तुम्ही नवीन आधार अॅप गुगल प्ले स्टोअर किंवा अॅपल प्ले स्टोअरमधून डाउनलोड करु शकतात. यानंतर तुम्ही आधार नंबर टाकायचा आहे. यानंतर ओटीपी व्हेरिफिकेशन पूर्ण होईल. यानंतर तुमची प्रोफाइल तयार होईल. तुमची प्रोफाइल सुरक्षित ठेवण्यासाठी सिक्युरिटी पिन टाकावा लागेल.