8th Pay Commission: आठव्या वेतन आयोगाच्या शिफारसी कधी लागू होणार? पगार कधी वाढणार? सरकारने दिली महत्त्वाची बातमी

देशातील कोट्यवधी सरकारी कर्मचाऱ्यांना आठव्या वेतन आयोगाची प्रतिक्षा आहे. आठवा वेतन आयोग कधीपासून लागू होणार असा प्रश्न विचारला जात आहे.यासाठी आठवा वेतन आयोग समिती स्थापन करण्यात आली आहे. ही समिती शिफारसी सादर करणार आहे. या शिफारशींना मंजुरी मिळाल्यानंतर पुढे वेतन आयोग लागू केला जाणार आहे. आता वेतन आयोगाबाबत राज्यसभेत माहिती दिली आली आहे.

३ फेब्रुवारीला राज्यसभेत याबाबत माहिती देण्यात आली. राज्यसभेत सांगितले की, ८वा वेतन आयोग समिती स्थापन केली आहे.ही समिती मुदतीआधी शिफारसी देणार आहेत.वित्त राज्य मंत्री पंकज चौधरी यांनी लेखी माहितीमध्ये सांगितले की, ३ नोव्हेंबर २०२५ रोजी ८व्या वेतन आयोगासाठी समिती स्थापन केली. याचसोबत टर्म्स ऑफ रेफरन्सदेखील निश्चित करण्यात आले आहे. अधिसूचनेनुसार, वेतन आयोगाला १८ महिन्यात शिफारसी सादर करायच्या आहेत.

वेतन, भत्ता आणि पेन्शनबाबत शिफारसी

मंत्री पंकज चौधरी यांनी सांगितले की, आठव्या वेतन आयोगाला केंद्र सरकारी कर्मचाऱ्यांचे वेतन, भत्ते आणि पेन्शनबाबत शिफारसी द्यायच्या आहेत. आयोग या मुद्द्यांवर शिफारसी सरकारला देणार आहे. त्यानंतर अंतिम निर्णय होणार आहे.

पेन्शनधारकांसाठी अपडेट

आठव्या वेतन आयोगात पेन्शनधारकांबाबत अनेक संभ्रम निर्माण झाल आहे. याबाबत त्यांनी सांगितले की, पेन्शनधारकांच्या रिटायरमेंट तारखेमध्ये कोणताही बदल केला जाणार नाही. कर्मचाऱ्यांना पेन्शन केंद्रीय सिविल सेवा नियमानुसार पेन्शन दिली जाणार आहे. या प्रकारच्या शिफारसी लागू केल्या जाणार आहेत. पेन्शन नियमात कोणतेही बदल करणार नसल्याचे स्पष्ट केले आहे.