8th Pay Commission: सरकारी कर्मचाऱ्यांना जुनी पेन्शन योजना लागू होणार? आठव्या वेतन आयोगाबाबत अपडेट

आठव्या वेतन आयोगाबाबत एक महत्त्वाची अपडेट समोर आली आहे. आठव्या वेतन आयोगातील पगारवाढीची कर्मचारी वाट बघत आहेत. दरम्यान, पगारवाढ कधीपासून येणार याबाबत कोणतीही अधिकृत माहिती समोर आलेली नाही. मात्र, आठव्या वेतन आयोगातील अटी आणि नियमांबाबत माहिती समोर आली आहे. यानंतर आता कर्मचाऱ्यांना पुन्हा एकदा जुनी पेन्शन योजना लागू करण्याची मागणी केली आहे.

कर्मचारी संघटना नॅशनल पेन्शन स्कीम आणि युनिफाइड पेन्शन स्कीम मागे घेण्याची मागणी करत आहेत. कन्फेडरेशन ऑफ सेंट्रल गवर्नमेंट एम्प्लॉयीज अँड वर्कर्स आणि ऑल इंडिया डिफेंस एम्प्लॉयीज फेडरेशन (AIDEF) या युनियनने जॉइंट कंसल्टेटिव मशीनरी (NC-JCM)कडे आपल्या मागण्या दिल्या आहेत. यामध्ये जुनी पेन्शन योजना पुन्हा लागू करण्याची मागणी केली जात आहे. त्यामुळे आता कर्मचाऱ्यांसाठी काय निर्णय होणार याकडे सर्वांचेच लक्ष आहे. गेल्या अनेक वर्षांपासून जुन्या पेन्शन योजनेची मागणी केली जात आहे. दरम्यान, याबाबत निर्णय होण्याची शक्यता फार कमी असल्याचे दिसत आहे.

सव्वा लाख कर्मचाऱ्यांची यूपीएसला पसंती

सरकारने दिलेल्या माहितीनुसार, नोव्हेंबर २०२५ पर्यंत जवळपास १,२२,१२३ कर्मचाऱ्यांनी यूपीएस योजनेची निवड केली आहे. यामध्ये सध्याचे कर्मचारी, रिटायर्ड कर्मचाऱ्यांचाही समावेश आहे. २५ लाख कर्मचाऱ्यांपैकी फक्त ४ ते ५ टक्के कर्मचाऱ्यांनी यूपीएसची निवड केली आहे. यामध्ये रेल्वे, सिविल स्टाफचा समावेश आहे. दरम्यान, डेडलाइन दिल्यानंतरही लाखो कर्मचाऱ्यांनी यूपीएस योजनेची निवड केली नाही. त्यामुळे यूपीएस योजनेवर कर्मचाऱ्यांचा विश्वास नसल्याचे दिसत आहे.