8th Pay Commission: आठव्या वेतन आयोगात वेतन रचना बदलणार; सरकारी कर्मचाऱ्यांच्या पगारावर काय परिणाम होणार?

सरकारी कर्मचारी आठव्या वेतन आयोगाची वाट पाहत आहेत. आठव्या वेतन आयोगात पगारवाढ येण्यास अजून वेळ आहे. कर्मचाऱ्यांची पगारवाढ ही फिटमेंट फॅक्टरवर अवलंबून असते. पगारवाढीसाठी सध्याच्या बेसिक सॅलरीला फिटमेंट फॅक्टरने गुणले जाते. त्यानंतक नवीन पगार ठरवला जातो. दरम्यान, फिटमेंट फॅक्टर किती होणार याकडे सर्वांचेच लक्ष आले आहे. काही संघटनांच्या मते फिटमेंट फॅक्टर २ ते ३.६ पर्यंत होऊ शकतो.

आठव्या वेतन आयोगाच्या चर्चांमध्ये NC-JCM आणि ऑल इंडिया रेल्वेमेंस फेडरेशनच्या जनरल सेक्रेटरी शिव गोपाल मिश्रा यांनी संकेत दिले आहेत. परंतु अधिकृत घोषणा केलेली नाही. त्यांनी म्हटलं की, फिटमेंट फॅक्टर हा खूप संवेदनशील मुद्द आहे. यावर वेगवेगळ्या संघटनांनी आपले मत मांडले आहे. याबाबत कोणतीही घोषणा करणे योग्य नसणार आहे. त्यांच्या म्हणण्यांनुसार, सरकारसमोर एक कॉमन मेमोरेंडम ठेवणार आहे. त्यावर अंतिम मंजुरी मिळाल्यानंतर प्रस्ताव ठेवला जाईल.

वेतन रचनेत बदल करण्याची तयारी

सरकार फिटमेंट फॅक्टर नव्हे तर संपूर्ण वेतन रचनेत बदल करण्याच्या तयारीत आहे. यामध्ये महागाई भत्ता, कमीत कमी सॅलरी आणि फिटमेंट फॅक्टर ठरवला जाईल. यामुळे संपूर्ण खर्चात बदल होईल.

जर सध्याची बदललेली सामाजिक आर्थिक परिस्थिती पाहता पगारवाढीत याचा विचार केला नाही तर कर्मचाऱ्यांना दिलासा मिळणार नाही. त्यामुळे निवेदन तयार केले जाणार आहे. यानंतर योग्य तो निर्णय घेतला जाईल.