8th Pay Commission: सरकारी कर्मचाऱ्यांच्या पगारवाढीबाबत लवकरच निर्णय; आठव्या वेतन आयोगाबाबत नवीन अपडेट

केंद्रीय कर्मचारी आणि पेन्शनधारक आठव्या वेतन आयोगाची वाट पाहत आहेत. आठव्या वेतन आयोगात पगारवाढ कधी येणार याकडे सर्वांचेच लक्ष आहे. दरम्यान, आत आठव्या वेतन आयोगात पगारवाढ करण्याच्या दृष्टीने पाऊले उचलण्यास सुरुवात केली आहे. आठव्या वेतन आयोगासाठी समिती स्थापन करण्यात आली होती. त्यानंतर आता दिल्लीत यासाठी कार्यालय स्थापन करण्यात आले आहे.

आठव्या वेतन आयोगातील समितीला शिफारसी सादर करण्यास सांगितले आहे.शिफारसी सादर करण्यासाठी १८ महिन्यांचा वेळ दिला आहे. दरम्यान, आता या कामाला प्रत्यक्षात सुरुवात झाली असं म्हणाला हरकत नाही.

आठव्या वेतन आयोगाच्या समितीचे ऑफिस जनपथ येथे चंद्रलोक बिल्डिंगमध्ये आहे. या कार्यालयात आठव्या वेतन आयोगाबाबतचे काम होणार आहे. आता ऑफिस स्थापन झाल्यानंतर कामांना वेग येण्याची शक्यता वर्तवली जात आहे. दरम्यान, याचा थेट परिणाम केंद्रीय कर्मचारी आणि पेन्शनधारकांवर होणार आहे. महागाई भत्ता, पेन्शनसंबंधित अनेक निर्णय होऊ शकतात.

या दिवशी होणार बैठक

केंद्रीय कर्मचाऱ्यांबाबत महत्त्वाची अपडेट समोर आली आहे. कर्मचारी आणि पेन्शनधारकांचे प्रतिनिधित्व करणारी नॅशनल काउंसिगची स्टाफ साइड ड्राफ्टिंग कमेटीसोबत बैठक होणार आहे. २५ फेब्रुवारी रोजी ही बैठक होणार आहे. फिरोजशाह रोड येथील कार्यालयात ही बैठक होणार आहे. यामध्ये रेल्वे, सुरक्षा, पोस्ट विभाग, इन्कम टॅक्स विभागातील प्रमुख कर्मचारी सहभागी होणार आहे. एक आठवडाभर याबाबत चर्चा होऊ शकते.

सूत्रांनी दिलेल्या माहितीनुसार, या बैठकीत वेतन, महागाई भत्ता, इतर भत्ते, प्रमोशन, पेन्श आणि इतर विषयंवर चर्चा होऊ शकते. यासंदर्भातील प्रस्तावांवर मसुदा तयार केला जाईल. हा मसुदा वेतन आयोगाला दिला जाईल. यानंतर निर्णय घेतला जाईल. यासाठी कर्मचारी संघटनांनी आधीच तयारी सुरु केली आहे.