8th Pay Commission: आठवा वेतन आयोग लागू झाल्यावर कर्मचाऱ्यांना मिळणार लाखो रुपये; वाचा एरियरचं कॅल्क्युलेशन

सरकारी कर्मचाऱ्यांसाठी आठवा वेतन आयोग लागू झाला आहे. आठव्या वेतन आयोगात कर्मचाऱ्यांचा पगार वाढणार आहे.आठव्या वेतन आयोग जानेवारी २०२६ पासून लागू झाला आहे. तरी कर्मचाऱ्यांच्या खात्यात वाढीव पगार येण्यास अजून काही वेळ वाट पाहावी लागणार आहे. दरम्यान, जेवढे महिने उशिरा पैसे येणार त्या महिन्याचा एरियर कर्मचाऱ्यांना दिला जाणार आहे.

ऑक्टोबर महिन्यात केंद्रीय मंत्रिमंडळाने आठव्या वेतन आयोगाच्या टर्म्स ऑफ रेफरन्सला मंजुरी देण्यात आली आहे. यानुसार आता समिती शिफारसी तयार करतील. यासाठी १८ महिन्यांची मुदत देण्यात आली आहे. दरम्यान, नवीन पगारवाढ कधीपासून लागू होणार याबाबत अधिकृत माहिती समोर आलेली नाही,

लाखो कर्मचारी आणि पेन्शनधारकांना फायदा

देशात दर १० वर्षांनी नवीन वेतन आयोग लागू होतो. सातवा वेतन आयोग २०१६ मध्ये लागू झाला होता. त्याआधी १० वर्षांपूर्वी सहावा वेतन आयोग लागू झाला होता. यानंतर आता पगारवाढ कधी येणार याकडे सरकारी कर्मचाऱ्यांचे लक्ष लागले आहे. या नवीन आठव्या वेतन आयोगामुळे ५० लाख केंद्रीय कर्मचारी आणि ६९ लाख पेन्शनधारकांना फायदा होणार आहे.

कर्मचाऱ्यांना मिळणार लाखो रुपये

नवीन वेतन आयोगात फिटमेंट फॅक्टरनुसार पगार वाढणार आहे. जर तुमचा आताचा पगार ४०,००० रुपये असेल तर आठव्या वेतन आयोगानुसार पगार ५०,००० रुपये होऊ शकतो. याचाच अर्थ असा की महिन्याला तुमचे १०,००० रुपये वाढतील. दरम्यान, जर हा नवीन वेतन आयोग मे २०२७ मध्ये लागू झाला तर १५ महिन्यांचा कालावधी लागणार आहे. दर महिन्याला जर १५ महिन्यांचा कालावधी लागला तर तुम्हाला १,५०,००० रुपये मिळणार आहेत.जवळपास दीड लाख रुपये मिळणार आहे.