8th Pay Commission: सरकारी कर्मचाऱ्यांसाठी महत्त्वाची बातमी! २०२६ मध्ये खरंच पगार वाढणार का? आठव्या वेतन आयोगाबाबत मोठी अपडेट

सरकारी कर्मचाऱ्यांसाठी २०२६ हे वर्ष दिलासादायक ठरणार आहे. २०२६ मध्ये सरकारी कर्मचाऱ्यांसाठी आठवा वेतन आयोग लागू झाला आहे. आठवा वेतन आयोग लागू झाल्यानंतर सरकारी कर्मचाऱ्यांचा आणि पेन्शनधारकांची पेन्शन वाढणार आहे. दरम्यान, जरी आठवा वेतन आयोग १ जानेवारीपासून लागणार आहे. तरीही प्रत्यक्षात पगारवाढ कधी केली जाणार याबाबत कोणतीही माहिती समोर आलेली नाही.

आठवा वेतन आयोग लागू झाल्यावर ५० लाख कर्मचारी आणि ६९ लाख पेन्शनधारकांना फायदा होणार आहे. २०२६ मध्ये खरंच कर्मचाऱ्यांचा पगार वाढणार का आणि हा पगार कधीपर्यंत कर्मचाऱ्यांच्या खात्यात येणार असा प्रश्न सर्वांनाच पडलेला आहे.

आठव्या वेतन आयोगासाठी समिती स्थापन

आठव्या वेतन आयोगासाठी केंद्र सरकारने समिती स्थापन केली आहे. तीन सदस्यीय समितीत अध्यक्ष म्हणून सेवानिवृत्त न्यायमूर्ती रंजना प्रकाश देसाई यांची नियुक्ती केली आहे. ज्येष्ठ आयएएस अधिकारी पंकज जैन यांची सदस्य-सचिव म्हणून नियुक्ती केली आहे. प्रोफेसर पुलक घोष यांना पार्ट टाइम सदस्य आहेत. ही समिती स्थापन झाली आहे. या समितीला शिफारसी सादर करण्यासाठी १८ महिन्यांचा वेळ दिला आहे. यानंतर जवळपास ६ महिन्यांनी वेतन आयोग प्रत्यक्षात लागू होईल.

२०२६ मध्ये पगार वाढणार का? (8th Pay Commission Salary Hike in 2026 Or Not)

वेतन आयोग दर दहा वर्षांनी बदलतो. केंद्र सरकारचा आठवा वेतन आयोग २०२६ मध्ये लागू झाला आहे. दरम्यान, आता २०२६ मध्ये पगार वाढणार का असा प्रश्न विचारला जात आहे. दरम्यान, जानेवारी २०२८ पर्यंत कर्मचाऱ्यांचा पगार वाढू शकतो. जर ही प्रक्रिया लवकर झाली तर जुलै २०२७ मध्ये प्रक्रिया पूर्ण होईल.