कर्नाटकातील बांदीपूर व्याघ्र प्रकल्पात एका पर्यटकावर गजराज चांगलेच संतापले. व्याघ्र प्रकल्पात प्राणी बघताना अनेकवेळा पर्यटक प्राण्याचे फोटो घेत असतात. पंरतु फोटो घेण्याच्या कृत्यावर प्राणी देखील वैतागत असतात. प्रायव्हसीला धोका वाटलं की प्राणी हल्ला करतात. बांदीपुरातही अशीच घटना घडलीय. हत्तीचा फोटो घेणाऱ्या पर्यटकाला गजराजनं शिक्षा केलीय. पर्यटकाला हत्तीने आपल्या पायाखाली तुडवलं. सुदैवाने हत्तीच्या हल्ल्यातून तो पर्यटक चमत्कारिकरित्या वाचवलाय.

हा पर्यटक केरळमधील असल्याचं सांगितलं जात आहे. हत्तीच्या हल्ल्याची घटना कॅमेऱ्यात कैद झालीय. ही घटना उटी-म्हैसूर राष्ट्रीय महामार्गावर घडली. याचा व्हिडिओ सोशल मीडियावर व्हायरल होतोय. हा व्हिडिओ इतर पर्यटकांनी शूट केलाय. व्हायरल व्हिडिओमध्ये, रस्त्यावर अनेक वाहने आणि पर्यटक उभे असल्याचं दिसत आहेत.

रस्त्याच्या एका बाजुला हत्ती उभा आहे. त्याचवेळी महामार्गाच्या एका बाजुला उभे राहत एक पर्यटक फोटो घेण्याचा प्रयत्न घेतोय. त्यावेळी हत्ती पर्यटकावर हल्ला करतो. त्याला जमिनीवर ढकलत असल्याचे दिसून येत आहे. त्यानंतर हत्तीने पर्यटकाला पायाखाली तुडवले. सुदैवाने पर्यटक या हल्यातून बचावलाय.

मातृभूमीने दिलेल्या वृत्तानुसार, त्या माणसाने प्राण्यासोबत सेल्फी घेण्याचा प्रयत्न केला तेव्हा गजराज संतापले आणि त्यांनी पर्यटकावर हल्ला चढवला. पाठीमागे हत्ती लागल्यानंतर तो पर्यटक धावू लागला. पळता पळता तो रस्त्यावर पडला. त्यानंतर हत्तीनं त्याच्या अंगावर पाय ठेवल्याचं दिसत आहे.

जास्त हल्ला न करता हत्ती तेथून निघून गेला. दरम्यान त्यानंतर पर्यटकाला रुग्णालयात दाखल करण्यात आले. दरम्यान फॉरेस्ट विभागाने पर्यटकाची ओळख जाहीर केली नाहीये. परंतु पर्यटकाची स्थिती गंभीर असल्याचं सांगितलं जात आहे.