मगर ही महाकाय प्राणी आहे. मगरीला सर्वजण घाबरतात. मगर आतापर्यंत आपण फक्त पिंजऱ्यात किंवा पाण्यात पाहिली असेल परंतु मगर आता रस्त्यावर चालायला लागली तर? मगरीचा असाच एक व्हिडिओ सध्या सोशल मीडियावर व्हायरल होत आहे. चिपळूणच्या रस्त्यावर खुलेआम मगरीचा वावर दिसत आहे. याचाच व्हिडिओ सध्या सोशल मीडियावर प्रचंड व्हायरल होत आहे.

चिपळूणच्या चिंचनाका परिसरात ही मगर रस्त्यावर चालताना दिसली. गेल्या ४ दिवसांपासून चिपळूणमध्ये मुसळधार पाऊस पडत आहे. त्यामुळे नदीपात्रातून ही मगर बाहेर आले असल्याचे सांगण्यात येत आहे. मुसळधार पावसामुळे रस्त्यावर चालत असलेल्या या मगरीचा व्हिडिओ सध्या व्हायरल होत आहे. व्हायरल व्हिडिओत ही मगर रस्त्याच्या मधून फिरताना दिसत आहे. ही मगर रस्त्यावरुन जात असलेल्या वाहनांच्या मधून वाट काढताना दिसत आहे. भलीमोठी मगर रस्त्यावर खुलेआम वावरत असल्यामुळे नागरिकांच्या मनात भितीचे वातावरण निर्माण झाले आहे.

मगरीचा हा व्हिडिओ रस्त्यावरुन जाणाऱ्या एका कारचालकाने रेकॉर्ड केला आहे.महाकाय मगर अचानक रस्त्यावर दिसल्याने नागरिकांमध्ये भीतीचे वातावरण पसरले आहे. महिनाभरापूर्वीच ही मगर एकदा रस्त्यावर दिसली होती. त्यानंतर आता पुन्हा एकदा मगर रस्त्यावर दिसल्याने नागरिकांच्या सुरक्षेचा प्रश्न निर्माण झाला आहे.