योगेश गायकवाड, साम टीव्ही प्रतिनिधी
मुंबई : देशासहित राज्यातही तळीरामांची संख्या वाढत चालल्याचं दिसून येत आहे. अनेक संस्थांच्या आकडेवारीतून ही माहिती अनेकदा समोर आली आहे. शहर असो ग्रामीण या दोन्ही भागात तळीरामांची संख्या मोठ्या प्रमाणात दिसते. घरातील एका व्यक्तीच्या दारुच्या व्यसनाचा त्रास पूर्ण कुटुंबाला होतो. त्यामुळे घरातील मंडळी या व्यक्तीला दारू सोडण्याविषयी सूचना करत असतात. अशाच प्रकारे एक तरुण भोंदू बाबाकडे दारू सोडवायला गेला. मात्र, या तरुणाला भोंदू बाबाने चांगलाच कुटला. बाबाकडून मारहाण होतानाचा व्हिडिओ सोशल मीडियावर चांगलाच व्हायरल होत आहे.
तुम्ही राहत असलेल्या भागातही एकतरी व्यक्ती दारूच्या आहाराला गेलेला दिसतो. सकाळ झाल्यानंतर हा व्यक्ती दारुच्या दुकानावर दिसतो. दिवसभरातील काम सोडून हा व्यक्ती दारु प्यायचं काम करत असतो. अशा व्यक्तीच्या दारु पिण्याच्या व्यसनाला त्याच्या घरातील व्यक्तीही कंटाळलेले असतात. त्यामुळे घरातील सदस्यांकडून या व्यक्तीवर नानाविविध उपचार सुरु असतात.
काही लोक सतत दारु पिणाऱ्या व्यक्तीचं व्यसन सोडवण्यासाठी बाबा-बुवाचीही मदत घेतात. संकटात असलेल्या लोकांना हेरून बाबा-बुवा लुटमार करण्यास पटाईत असतात. अशाच प्रकारे एक तरुण एका भोंदू बाबाकडे गेला होता. मात्र, या बाबाने समुदपेशन करण्याऐवजी मारहाण करण्यास सुरुवात केली. त्यानंतर बाबाजवळ बसलेले लोकही हादरले.
एक तरुण दारु सोडवण्यासाठी बाबाकडे येताना दिसत आहे. दारू सोडवण्यासाठी आलेला तरुण येताच बाबाने त्याला मारहाण करण्यास सुरुवात केली. बाबाने या तरुणाला चांगलाच चोप दिला. दारु न पिण्याची तंबीही देत आहे. मात्र, तरुण मी दारु सोडणार नसल्याचे ठामपणे सांगत आहे. त्यानंतर चिडलेल्या बाबाने तरुणाच्या गालावर, पाठीवर फटके दिले. बाबा बेदम मारहाण करुन तरुणाला दारु सोडण्यास सांगत आहे.
बाबाचा हा व्हायरल होणारा व्हिडिओ उत्तर महाराष्ट्रातील असल्याचा बोललं जात आहे. तर या भोंदू बाबाच्या व्हायरल व्हिडिओनंतर मार खाऊन हा तरुण दारु सोडेल का, यावरून सोशल मीडियावर चर्चा रंगली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.