सोशल मीडियावर काही दिवसांपूर्वी एका डिलिव्हरी बॉयचा व्हिडिओ व्हायरल झाला होता. हा डिलिव्हरी बॉय बाईक चालवताना यूपीएससी परिक्षेचा अभ्यास करत होता. यानंतर आता एक लहान मुलगा स्कूटीवर अभ्यास करतानाचा व्हिडिओ सोशल मीडियावर प्रचंड व्हायरल होत आहे.

लहान मुले ही खूप जास्त खेळकर असतात. लहान मुलांना अभ्यास करायला फार आवडत नाही. परंतु एक मुलगा चक्क स्कूटीवर बसून अभ्यास करत आहे. चालत्या स्कूटीवर मागे बसून अभ्यास करणाऱ्या या मुलाचे सोशल मीडियावर खूप कौतुक होत आहे.

व्हायरल व्हिडिओत एक मुलगा त्याच्या आईसोबत स्कूटीवरुन शाळेत जाताना दिसत आहे. या लहान मुलाने शाळेचे कपडे घातले आहे. हा शाळकरी मुलगा आईच्या मागे बसून अभ्यास करताना दिसत आहे. स्कूटीच्या मागच्या बाजूला बसून वहीवर काहीतरी लिहताना दिसत आहे. हा व्हिडिओ सोशल मीडियावर प्रचंड व्हायरल होत आहे.

HasnaZaroorHai या एक्स अकाउंटवरुन व्हिडिओ शेअर करण्यात आला आहे. या व्हिडिओवर हा मुलगा एक दिवस जरुर आपल्या आईचे नाव मोठे करेल, असं कॅप्शन देण्यात आले आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव होत आहे. हा मुलगा आईवडिलांचे नाव मोठे करेल की नाही माहित नाही पण जर स्कूटीवरुन पडला तर खूप महागात पडेल. याचा अर्थ भारतातील रस्ते खरच चांगले आहेत. अशा कमेंट्स या व्हिडिओवर आल्या आहेत.