हा व्हिडिओ पाहा. या व्हिडिओत मंदिराचं पाडकाम सुरू असल्याचं दिसतंय. दावा करण्यात आलाय की हे मंदिर आरएसएस तोडतंय. मंदिर तोडतानाचा हा व्हिडिओ प्रचंड व्हायरल होत असल्याने आम्ही याची पडताळणी सुरू केली. पण, खरंच मंदिर, हिंदूंसाठी नेहमीच आवाज उठवणाऱ्या आरएसएसने मंदिर तोडलंय का?

बुलडोझरने मंदिर पाडतानाचा व्हिडिओ समोर आलाय.आरएसएसचे सदस्य मंदिर पाडत आहेत.असा दावा केल्यानं एकच खळबळ उडालीय. अमित यादव या व्यक्तीने व्हिडिओ शेअर करून "बाबरचे आरएसएस सरकार मंदिरं पाडत आहे. असा दावा केलाय. तर भाजप जितकी मंदिरं पाडत आहेत तितकी कोणत्याही आक्रमकाने उद्ध्वस्त केलेली नाहीत.

हे ढोंगी आणि आंधळे अनुयायी यावर गप्प का? असा सवालही एकाने उपस्थित केलाय. पण, खरंच आरएसएसने मंदिर पाडलंय का? याची आम्ही पडताळणी केली.फोटोच्या रिव्हर्स फ्रेमही तपासून पाहिल्या. त्यावेळी आमच्या पडताळणीत काय सत्य समोर आलं पाहुयात.

व्हायरल सत्य/ साम इन्व्हिस्टिगेशन

व्हायरल व्हिडिओ झारखंडमधील गिरिडीहमधील

पंच शिव मंदिर पाडतानाचा व्हिडिओ एक वर्ष जुना

नवीन मंदिराचे बांधण्यासाठी जुनं मंदिर पाडलं

आरएसएसने मंदिर पाडलं नसून, स्थानिकांनी पाडलं

पूजाविधी केल्यानंतर मंदिर पाडण्यात आलं

झारखंडच्या गिरिडीहमध्ये हे मंदिर 300 वृद्ध व्यक्तींनी पेन्शनच्या पैशांतून बांधलंय. मंदिरासाठी पैसे जमवण्यासाठी काहींनी दारू पिणंही सोडलं. आणि पैसे जमवून हे मंदिर बांधल्याची माहिती मिळतेय.जुनं मंदिर पाडून नवीन मंदिर बांधलंय. त्यामुळे आमच्या पडताळणीत आरएसएसने मंदिर पाडल्याचा दावा असत्य ठरलाय.