मोदी सरकार दिवाळीला मोठ्ठं गिफ्ट देणार आहेत...आणि प्रत्येकाच्या खात्यात 5 हजार रुपये जमा होणार असल्याचा दावा या व्हिडिओतून करण्यात आलाय...हा व्हिडिओ आता व्हायरल होत असून, सर्वांनाच मोदी पैसे देत असल्याचा दावा केल्याने पैसे मिळवण्यासाठी काय करायचं...? पैसे कसे मिळणार असे प्रश्न अनेकांना पडलेयत...

मोदी सरकारने दिवाळी भेट म्हणून 5 हजार देण्याचा निर्णय घेतलाय असा दावा केलाय...पैसे मिळवण्यासाठी एक लिंकही देण्यात आलीय...या लिंकवरील सर्व माहिती भरून दिल्यावरच पैसे मिळणार असा दावा केलाय...मात्र, खरंच यासोबत दिलेला अर्ज भरल्यानंतर 5 हजार रुपये मिळणार का...? खरंच मोदींनी अशी घोषणा केलीय का...? असे प्रश्न पडल्यामुळे आम्ही या व्हिडिओची पडताळणी सुरू केली...

व्हिडिओमध्ये या योजनेचे नाव 'मोदी दिवाळी उपहार योजना' असे सांगितले जात आहे...त्यामुळे आम्ही याची माहिती मिळवण्याचा प्रयत्न केला...खरंच ही योजना असेल तर त्याचा लाभ गरजूंना मिळायला हवा...म्हणून आम्ही याची माहिती मिळवली असता, आमच्या पडताळणीत काय सत्य समोर आलं पाहुयात...

व्हायरल सत्य

मोदींनी 5 हजार रुपये देण्याची घोषणा केलेली नाही

व्हायरल व्हिडिओतील दावा खोटा

मोदींचा व्हिडिओ एडिट करून व्हायरल केला

2022 सालातील व्हिडिओची छेडछाड करण्यात आली

केंद्र सरकारची अशी कोणतीही दिवाळी गिफ्टची योजना नाही...दिशाभूल करण्यासाठी असे व्हिडिओ व्हायरल केले जातात...त्यामुळे तुम्ही असे व्हिडिओ पाहून लिंकच्या आधारे कोणतेही अर्ज भरू नका...तुम्हाला पैसे मिळण्याऐवजी फसवणूक होऊ शकते...आमच्या पडताळणीत मोदी 5 हजारांचं गिफ्ट देणार असल्याचा दावा असत्य ठरलाय.