Israel Video:

इस्रायल आणि हमासमधील युद्धामुळे आतापर्यंत ३००० लोकांचा मृत्यू झाला आहे. दिवसेंदिवस युद्धाच्या ज्वाला आणखीनच भडकताना दिसत आहेत. या युद्धात आतापर्यंत अनेक निष्पाप नागरिकांचा मृत्यू झालाय. लहान मुलं आणि वृद्धांसह जखमींची संख्या देखील सातत्याने वाढत आहे. येथील अनेक थरारक व्हिडीओही सोशल मीडियावर व्हायरल झालेत. (Latest Marathi News)

सोशल मीडियावर सध्या एका अॅम्ब्युलन्स ड्रायव्हरचा व्हिडीओ व्हायरल होत आहे. ड्रायव्हर अॅम्ब्युलन्समध्ये बसून हताश होत रडतोय. युद्धात अनेक जण जखमी आहेत. या जखमींना वेळेत रुग्णालयात न पोहचवल्यास त्यांचा मृत्यू होऊ शकतो.

मात्र एका अॅम्ब्युलन्समध्ये किती जणांना नेणार असाही प्रश्न आहे. आपण एवढ्या सगळ्यांचा जीव वाचवू शकत नाही अशी खंत मनात बाळगत हा ड्रायव्हार रडत आहे.

युद्धामध्ये जखमी झालेल्या व्यक्तींची संख्या वाढत आहे. यामुळे आरोग्या व्यवस्थेवरील ताण वाढला आहे. आरोग्य व्यवस्थेवरील ताण इतका वाढला आहे की, औषधे आणि अॅम्ब्युलन्स देखील कमी पडत आहेत. देशात सुरू असलेला विध्वंस पाहून वाहन चालक फार भाऊक झाला.

बुधवारी सकाळी देखील इस्रायलकडून पुन्हा एकदा बॉम्बचा वर्षाव करण्यात आला. हमास आणि इस्रायल युद्धाचा आज पाचवा दिवस आहे. युद्धात आतापर्यंत ३ हजार नागरिकांचा मृत्यू झालाय. यामध्ये महिला, लहान मुले आणि वयोवृद्ध व्यक्तींचा समावेश आहे. मृतांचा आकडा आणखी वाढण्याती शक्यता आहे.