काही दिवसांपूर्वी दुबईत मुसळधार पाऊस झाला होता. मुसळधार पावसामुळे पूराची स्थिती तयार झाली होती. त्यामुळे नागरिकांना नाहक त्रास सहन करावा लागत होता. एका ठिकाणाहून दुसऱ्या ठिकाणी जाण्यासाठी नागरिकांना काहीच सुविधा उपलब्ध नव्हती. त्यामुळे दुबईतील नागरिकांनी एक जुगाड केला आहे. दुबईतील लोकांनी एका ठिकाणाहून दुसरीकडे जाण्यासाठी शॉपिंगसाठी वापरल्या जाणाऱ्या कार्टचा वापर केला आहे. याचाच व्हिडिओ सध्या सोशल मीडियावर प्रचंड व्हायरल होत आहे.

व्हायरल व्हिडिओत दुबईतील एका शॉपिंग कॉम्प्लेक्समध्ये खूप जास्त पाणी भरलेले दिसत आहे. या कॉम्प्लेक्समध्ये पाणी भरल्याने लोक पुराच्या पाण्याच अडकलेले दिसत आहे. या लोकांना पुराच्या पाण्यातून बाहेर काढण्यासाठी एक अनोखा जुगाड केला आहे. लोकांना शॉपिंग कार्टमध्ये बसवून त्यांना घेऊन जाताना दिसत आहे. लोक शॉपिंग कार्टमध्ये बसून शॉपिंग कॉम्पलेक्सच्या बाहेर जात आहेत.

मिळालेल्या माहितीनुसार, शॉपिंग कॉम्प्लेक्समधील स्टाफ इतर लोकांना पुराच्या पाण्यातून बाहेर काढण्यासाठी मदत करत आहेत. यासाठी स्टाफ मेंबर इतर लोकांकडून पैसे घेत आहेत. याचा व्हिडिओ सोशल मीडियावर प्रचंड व्हायरल होत आहे.

just.lol.things या इन्स्टाग्राम अकाउंटवरुन हा व्हिडिओ शेअर करण्यात आली आहे. या व्हिडिओवर 'दुबईचा पाऊस= नवीन बिझनेस सेटअप', असं लिहण्यात आलं आहे. या व्हिडिओवर लाईक्स आणि कमेंट्सचा वर्षाव होत आहे. 'दुबईतील लोकांनी आता जॉब सोडून नवीन बिझनेस स्टार्टअप सुरु करायला हवे', 'या परिस्थितीतही त्यांना एवढी भारी आयडिया सुचली आहे, त्यासाठी कौतुक', अशा कमेंट्स या व्हिडिओवर आल्या आहेत.