सोशल मीडियावर आतापर्यंत तुम्ही अनेक कुत्रा, मांजर किंवा इतर प्राण्यांचे व्हायरल व्हिडीओ पाहिले असतील. मात्र आज आम्ही तुम्हाला ज्या व्हायरल व्हिडीओबाबत माहिती देणार आहोत असा व्हिडीओ तुम्ही कधीच पाहिला नसेल. सोशल मीडियावर व्हायरल झालेला हा व्हिडीओ एका कुत्र्याचा असून तुम्ही पाहिल्यानंतरही तुम्हाला हा व्हिडीओ आवडेल.

माहितीनुसार, हा व्हिडीओ पुण्याच्या रस्तावरचा आहे. या व्हिडीओमध्ये रस्त्यावरून एक रिक्षा धावताना दिसतेय. गंमतीची बाब म्हणजे या रिक्षाच्या छतावर कुत्रा आरामात बसून प्रवास करतोय. रिक्षाच्या छतावर बसून प्रवास करणाऱ्या या कुत्र्याने सर्वांचं लक्ष वेधलंय.

इन्स्टाग्रामवर व्हायरल झालाय व्हिडीओ

हा व्हिडिओ इन्स्टाग्रामवर @gaurav_satish_gawade या हँडलवरून शेअर करण्यात आला आहे. या तु्म्ही हा व्हिडीओ पाहिला तर दिसेल रिक्षाच्या छतावर कुत्रा अगदी आरामात बसला आहे. चालती रिक्षा असूनही तो भुंकत नाही किंवा रिक्षावरून उतरण्याची घाई करत नाहीये. तो आजबाजूने चालणाऱ्या लोकांना बघतोय आणि प्रवास करतोय.

इतकंच नाही तर रिक्षा धावत असताना समोर एक स्पीड ब्रेकर देखील आला आहे. मात्र तो ओलांडत असताना देखील कुत्रा अगदी आरामात बसला होता. त्याच्या बसण्याची स्टाईल पाहून जणू त्याला असं बसण्याची सवय असल्याचं लोकांनी म्हटलंय. या व्हिडीओवर 'डॉन महंत्यत डॉन' अस लिहिलंय.

युझर्सच्या विविध प्रतिक्रिया

कुत्र्याचा हा मजेशीर व्हिडीओ सोशल मीडियावर व्हायरल व्हायला अजिबात वेळ लागला नाही. या व्हिडिओच्या कमेंटमध्ये एका व्यक्तीने म्हटलंय की, डॉगेश भाईचा जलवा आहे. दुसऱ्या युजरने म्हटलंय की, हळू चावला, डॉगेश भाई येतायत.