अयोध्येत हनुमानजींचे दर्शन झाले असा दावा करणारा हा व्हिडिओ आता व्हायरल होतोय. यामध्ये बजरंगबली हनुमान आधी चालत येतात आणि अचानक गदा घेऊन हवेत उडताना दिसतंय.काही लोक जय श्रीराम, जय बजरंगबली अशा घोषणा देत असल्याचा आवाज येतोय. त्यामुळे अनेकांनी हा व्हिडिओ व्हायरल करून दर्शन घेतलंय. पण, खरंच व्हिडिओत दिसतंय ते तथ्य आहे का?

हा व्हिडिओ संतोष निषाद काख नावाच्या फेसबुक युजरने शेअर केलाय. व्हिडिओ तुफान व्हायरल होत असून, काल रात्री अयोध्येत हनुमानजींचे दर्शन झालं असा दावा केलाय. या व्हिडिओमुळे चर्चांना उधाण आलंय. काहींनी तर हा व्हिडिओ खरा असल्याचं म्हटलंय. तर काहींनी असं घडलंच नसल्याचं म्हटलंय. सोशल मीडियावर या व्हिडिओची जोरदार चर्चा होतेय.

हा भक्तांच्या श्रद्धेचा विषय असल्याने आम्ही याची पडताळणी सुरू केली. हनुमान रामायण काळात होऊन गेले असा पौराणिक कथांमध्ये उल्लेख आहे. भगवान श्री रामाचे परम भक्त आणि त्यांचे महत्त्वाचे सहकारी होते. असंही लिहिलंय. मात्र, आता हनुमान प्रत्यक्षात दिसले का? याची आम्ही सत्यता जाणून घेण्यासाठी पडताळणी केली. त्यावेळी काय सत्य समोर आलं पाहुयात.

साम इन्व्हिस्टिगेशन

अयोध्येत बजरंगबली हनुमान उडताना दिसलेले नाही

व्हायरल व्हिडिओ एआय निर्मित

भक्तांची दिशाभूल करण्यासाठी व्हिडिओ व्हायरल

एआय वापरून तयार करण्यात आल्याचं आढळून आलं. त्यामुळे आमच्या पडताळणीत अयोध्येत हनुमान दिसल्याचा दावा असत्य ठरलाय. असा व्हिडिओ तुम्हाला आला तर यावर विश्वास ठेवू नका.