उपमुख्यमंत्री एकनाथ शिंदे यांनी ठाकरे गटाचे माजी आमदार दगडू सकपाळ यांची भेट घेतली. दगडू सपकाळ हे उद्धव ठाकरे गटात आहे. त्यांची मुलगी रेशमा सकपाळ वॉर्ड क्रमांक 203 मधून उद्धव ठाकरे गटाकडून तिकीट मिळवण्यासाठी इच्छुक होती. मात्र भारती पेडणेकर यांना उमेदवारी देण्यात आली. यानंतर शिंदे यांनी सकपाळाची भेट घेतल्याने राजकीय चर्चाना उधाण आले आहे.

सूत्रांनी दिलेल्या माहितीनुसार ठाकरेसेनेचे माजी आमदार दगडू सकपाळांना शिंदेसेनेकडून ऑफर मिळाली आहे. सकपाळ लवकरच शिंदेसेनेत पक्ष प्रवेश करणार आहेत. शिंदे यांच्या नेतृत्वात अनेक जुन्या शिवसैनिकांसोबत पक्ष प्रवेश होणार असल्याची माहिती सूत्रांनी दिलीय. बाळासाहेब ठाकरे यांच्या काळातील जून्या शिवसैनिकांचा कॅडर आपल्याकडे यावा यासाठी शिंदेंचीसेना आग्रही असल्याची माहिती मिळतेय. मात्र सपकाळ शिंदेसेनेत गेल्यास शिवडी भागात ठाकरेंच्या सेनेला धक्का बसण्याची शक्यता आहे.