कुर्ला मदर डेअरीची जागा अखेर धारावी पुनर्वसनासाठी अदानी समूहाला देण्याच्या विरोधात खासदार वर्षा गायकवाड यांच्या नेतृत्वाखाली आज कुर्ला येथे निषेध मोर्चा काढण्यात आला. या मोर्चाचे अभ्युदय बँक चौकापासून मदर डेअरच्या जागेपर्यंत या मोर्चाच आयोजित करण्यात आले होते. मात्र पोलीस प्रशासनाने परवानगी नाकारल्यामुळे मुख्य चौकातच निदर्शन करून हे आंदोलन उरकून घेण्यात आले. यावेळी वर्षा गायकवाड यांनी सरकारवर घणाघाती आरोप केला. मुंबई गिळू पाहणाऱ्या अदानीला सर्वत्र विरोध असतानाही राज्य सरकार सर्वतोपरी मदत करत असल्याची घणाघाती टीका वर्षा गायकवाड केला. धारावीकरांच पुनर्वसन आहे. त्याच ठिकाणी होणार आहे. मग मुंबईभर अदानीला जागा देण्याचे कारण काय? असा सवाल करत वर्षा गायकवाड यांनी विरोध करणाऱ्यांवर स्थानिकांच्या पाठीशी उभे राहू असे म्हणत आंदोलनाचा इशारा दिला आहे.