भाजपसोबत कामगार युनियनवरून सध्या जो राडा सुरू आहे, त्या पार्श्वभूमीवर उद्धव ठाकरेंनी कामगार सेनेच्या पदाधिकाऱ्यांसोबत एक महत्त्वाची बैठक घेतली आहे. या बैठकीमध्ये त्यांनी पदाधिकाऱ्यांना संबोधित करताना भाजपचे मनसुबे हाणून पाडा, अशा कडक सूचना दिल्या आहेत. तसंच, भारतीय कामगार सेना म्हणून सर्वांनी एकसंघ राहण्याचं आवाहन त्यांनी केलं आहे.

भारतीय कामगार सेना ही कुणाचीही वैयक्तिक मक्तेदारी नाही, असं त्यांनी या बैठकीत स्पष्ट केलं आहे. कामगार सेनेच्या पदाधिकाऱ्यांनी एकजुटीने काम करावं आणि भाजपच्या आव्हानाला सामोरं जावं, असा संदेश या बैठकीतून देण्यात आला आहे. या घडामोडींमुळे कामगार क्षेत्रातील राजकारण तापण्याची शक्यता आहे. दोन दिवसापूर्वीच वरळीमध्ये भाजप आणि ठाकरे गटाच्या कार्यकर्त्यांमध्ये जोरदार राडा झाला होता. याचीच दखल घेत उद्धव ठाकरे यांनी आज कामगारसेनेच्या पदाधिकाऱ्यांच्या बैठकीचे आयोजन केले होते.