बारा ज्योतिर्लिंगापैकी एक असलेल्या भिमाशंकर येथे शंकराच्या मंदिरात जबर मारहाणीचा प्रकार घडला आहे. शिंदेसेनेच्या पुणे जिल्हाध्यक्षाने थेट पूजऱ्याला मारहाण केल्याने मंदिर प्रशासनाने संताप व्यक्त केला आहे. शिंदे गटाचे पुणे उत्तर जिल्हाप्रमुख देवदास दरेकर यांनी पुजाऱ्याला मारहाण केली. योगेश शिर्के असे या पुजाऱ्याचे नाव असून अद्यापतरी कुठलीही पोलीस तक्रार दाखल झाली नाहीये. ही संपूर्ण घटना मंदिरातील सीसीटीव्हीमध्ये कैद झाली आहे.

नेमके काय घडले?

शिंदेगटाचे जिल्हा प्रमुख देविदास दरेकर यांनी पुजऱ्याला मारहाण केली त्यावेळी भीमाशंकर मंदिराच्या मुख्य गाभाऱ्यात भक्तांचा सुरू असलेला अभिषेक सुरू असताच दरेकर आणि त्यांचे सहकारी दर्शनासाठी मंदिरात दाखल झाले. अभिषेक करणाऱ्या भक्तांच्या मागे उभे राहिले. मंदिर गाभाऱ्यात गर्दी होत असल्याने त्यावेळी मंदिरात पुजारी असणाऱ्या योगेश शिर्के यांनी दरेकर यांना दर्शन घेऊन बाहेर जाण्याची विनंती केली त्यावेळी दरेकर यांनी देखील शिवलिंगाची पूजा करण्याची इच्छा व्यक्त केली. यावरूनच दरेकर आणि पुजारी योगेश शिर्के या दोघांमध्ये बाचाबाची झाली. या शाब्दिक वादावादीचे रूपांतर हे मारामारीमध्ये झाले. यावेळी इतर पुजाऱ्यांनी मध्यस्थी करत हा वाद मिटवला. या संपूर्ण प्रकारचा व्हिडिओ सीसीटीव्हीमध्ये कैद झाला आहे.