पुण्याच्या राजगुरुनगर शहराला पाणीपुरवठा करणाऱ्या पाईपलाईनला गळती लागल्याने रस्त्यालगत जोरदार पाण्याचे फवारे उडू लागले. यावेळी मात्र या पाण्याच्या अपव्ययाकडे लक्ष देण्याऐवजी काही नागरिकांनी याच फवाऱ्यांचा वापर करत आपली वाहने धुण्याची हटके शक्कल लावली. रस्त्यावरून ये-जा करणाऱ्या दुचाकी आणि चारचाकी वाहनांनी थेट पाण्याच्या फवाऱ्यातून जात ‘फ्री कार-वॉश’चा अनुभव घेतला. पाणी अक्षरशः रस्त्यावर वाहत असतानाही हे दृश्य पाहण्यासाठी अनेकांनी गर्दी केली. एकीकडे लाखो लिटर पाणी वाया जात असताना, दुसरीकडे नागरिकांची ही अनोखी शक्कल चर्चेचा विषय ठरणारी राजगुरुनगरमध्ये पाहायला मिळाली.