मराठा समाजाच्या आंदोलनानंतर आता ओबीसी समाजही आंदोलनाच्या तयारीला लागला आहे. ओबीसी संघटनांकडून मुंबईत महामोर्चाचे आयोजन करण्यात येणार असून, हा मोर्चा दसऱ्यानंतर काढला जाणार आहे. प्राथमिक चर्चेनुसार ८ किंवा ९ ऑक्टोबर रोजी हा मोर्चा निघण्याची शक्यता व्यक्त केली जात आहे.

याबाबतची अंतिम तारीख आज होणाऱ्या ऑनलाइन बैठकीत निश्चित होणार आहे. या बैठकीत विविध ओबीसी संघटनांचे पदाधिकारी सहभागी होणार असून, मंत्री छगन भुजबळ यांचीही उपस्थिती राहण्याची शक्यता वर्तवली जात आहे. राज्यातील आरक्षण आणि विविध प्रलंबित मागण्यांसाठी हा मोर्चा काढण्यात येणार असल्याने पुन्हा एकदा मुंबईत मोठ्या प्रमाणावर गर्दी होण्याची चिन्हे आहेत.