OBC Reservation: मराठा आरक्षणानंतर ओबीसी एकटवले, दोन दिवस मुंबईत बैठक |VIDEO

मराठा आरक्षणानंतर आता ओबीसी समाज एकवटला आहे. मुंबईत पुढिल दोन दिवसांत ओबीसींच्या महत्त्वाच्या बैठका आयोजित केल्या आहेत.आज ओबीसी नेत्यांची तर उद्या इतर मागास व बहुजन कल्याण मंत्री अतुल सावे यांच्या अध्यक्षतेखाली बैठक होणार आहे. या बैठकीत ओबीसींच्या प्रलंबित मागण्यांवर सविस्तर चर्चा होणार आहे. ४ सप्टेंबर रोजी नागपुरात राष्ट्रीय ओबीसी महासंघाच्या साखळी उपोषणाच्या सांगतेवेळी मंत्री सावेंनी शासनस्तरावर लवकरच बैठक घेण्याचं आश्वासन दिलं होतं. त्यानुसार आता या बैठकीचं आयोजन करण्यात आलं आहे. दरम्यान, ओबीसी नेते लक्ष्मण हाके यांनी राज्यव्यापी ओबीसी संघर्ष यात्रेची तयारी सुरू केली असून त्यामुळे राज्यातील राजकारणात नवा संघर्ष पेटण्याची चिन्हं दिसत आहेत.