नाशिकमध्ये विविध मागण्यांसाठी सुरू असलेल्या आंदोलनाने आज उग्र स्वरूप धारण केले. आंदोलकांनी आदिवासी आयुक्त कार्यालयात घुसण्याचा प्रयत्न करताच परिसरात गोंधळाची परिस्थिती निर्माण झाली. पोलिसांनी हस्तक्षेप करून आंदोलकांना थांबवण्याचा प्रयत्न करत आहे. यावेळी आदिवासी आयुक्त कार्यालय परिसरात मोठा बंदोबस्त तैनात करण्यात आलाय. सरकारविरोधात आंदोलक जोरदार घोषणाबाजी करत आपला संताप व्यक्त करत आहे. या दरम्यान कार्यालयात घुसण्याचा प्रयत्न करणाऱ्या एका महिला आंदोलकाची अचानक तब्येत बिघडली. घटनास्थळी उपस्थित वैद्यकीय अधिकाऱ्यांनी तिला तातडीने प्राथमिक उपचार दिले. आंदोलनामुळे आदिवासी आयुक्त कार्यालय परिसरात तणावाचे वातावरण असून पोलिस प्रशासन सतर्क आहे.