मुंबईत रात्रीपासून जोरदार पाऊस पडत आहे. मुंबईसह उपनगरांमध्येही पावसाची संततधार सुरूच आहे. या पावसाचा फटका मुंबईकरांना बसत आहे. पावसामुळे मुंबईतील रस्त्यावर पाणी साचायला सुरूवात झाली आहे. सध्या तरी रस्ते वाहतूक, रेल्वे वाहतुकीवर कोणताही परिणाम झाला नाही.हवामान खात्यानं मुंबई आणि ठाणे जिल्ह्यांसाठी यलो अलर्ट जाहीर केला आहे. त्यामुळे मुंबईकरांसाठी पुढचे काही तास खूपच महत्वाचे आहेत.

मेघगर्जनेसह आणि वेगवान वाऱ्यासह पाऊस पडण्याचा अंदाज आहे. पुढील काही तासामध्ये मुंबईसह कल्याण, डोंबिवली, बदलापूर, अंबरनाथ आणि बदलापूर परिसरात मुसळधार पाऊस पडण्याची शक्यता आहे.नागरिकांनी हवामान खात्याच्या सूचना लक्षात घेऊन काळजी घेण्याचे आवाहन करण्यात आले आहे. मुंबईकरांनी घराबाहेर पडताना सतर्क राहण्याचे देखील आवाहन केले जात आहे.