मुंबईकरांसाठी महत्त्वाचा इशारा देण्यात आला असून, आजपासून पुढील चार दिवस समुद्रकिनारी जाणं टाळावं, असं आवाहन प्रशासनाकडून करण्यात आलं आहे. कारण समुद्रात मोठी भरती येण्याची शक्यता वर्तवण्यात आली आहे. विशेषतः २६ जुलै रोजी समुद्रात तब्बल ४.६७ मीटर उंचीच्या लाटा उसळण्याचा अंदाज हवामान खात्याने वर्तवला आहे. ही भरती दुपारी १ वाजून ५७ मिनिटांनी येणार असून, त्यावेळी समुद्रात लाटांचा जोर प्रचंड असणार आहे. भरतीच्या काळात समुद्राचा जोर वाढलेला असतो, त्यामुळे नागरिकांनी समुद्रकिनारी जाणं टाळावं आणि कोणत्याही परिस्थितीत पाण्याजवळ जाण्याचे टाळावं. प्रशासनाकडून यासंदर्भात आवश्यक सूचना जारी करण्यात आल्या असून, नागरिकांनी त्या काटेकोरपणे पाळाव्यात, असं आवाहनं करण्यात आलं आहे.